Sachin Pilgaonkar : अभिनेता, दिग्दर्शक आणि सूत्रसंचालक म्हणून प्रेक्षकांच्या मनावर अधिराज्य गाजवणारे सचिन पिळगावकर नेहमीच या ना त्या कारणामुळे चर्चेत असतात. मात्र, अभिनयासोबतच त्यांच्यातील एक वेगळी बाजू नुकतीच समोर आली आहे. सचिन पिळगावकर हे उत्तम शेफही आहेत, याचा खुलासा त्यांनी एका कार्यक्रमात केला होता. त्या कार्यक्रमातील त्यांचा जुना व्हिडिओ आता व्हायरल झाला आहे.  (Sachin Pilgaonkar)

‘कोण होईल मराठी करोडपती’च्या मंचावर बोलताना सचिन पिळगावकर यांनी लेक श्रिया पिळगावकरसाठी पहिल्यांदा स्वयंपाक केल्याचा खास किस्सा शेअर केला. त्यांनी सांगितले की, “मला स्वयंपाकाचा काहीच अनुभव नव्हता. एकदा श्रियाने मला भूक लागल्याचे सांगितले आणि तेव्हाच मी पहिल्यांदा किचनमध्ये प्रवेश केला.”  (Sachin Pilgaonkar)

सचिन पुढे म्हणाले, “फ्रिज उघडून घरात काय आहे ते पाहिलं. चिकन आणि काही भाज्या काढल्या. त्यानंतर ‘स्टिर फ्राईड व्हेजेस विथ चिकन इन हनी’ हा पदार्थ तयार केला. भात गरम करून सुंदर पद्धतीने डिश सजवली आणि त्यावर वरुन थोडं लिंबू पिळला. आडनावच पिळगावकर आहे. त्यानंतर काटा अन् चमचा तिला दिला. तो पदार्थ श्रियाला दिल्यानंतर मी अक्षरशः घामाघूम झालो होतो.”   (Sachin Pilgaonkar)

हेही वाचा : Dhamaal 4 Trailer : पुन्हा धमाल! जुन्या गँगसोबतच नवीन चेहऱ्यांची एंन्ट्री; ट्रेलर पाहून पोट धरून हसाल

यानंतर कार्यक्रमात उपस्थित असलेल्या अभिनेत्री श्रिया पिळगावकरला बाबांच्या हातचा आवडता पदार्थ कोणता, असा प्रश्न सचिन खेडेकर यांनी विचारला. त्यावर श्रिया म्हणाली, “बाबा सॅलड खूप छान बनवतात.” सचिन आणि श्रिया यांच्यातील हे प्रेमळ नातं आणि त्यांचा हा गमतीशीर किस्सा सध्या सोशल मीडियावर चांगलाच व्हायरल होत आहे.  (Sachin Pilgaonkar)

हेही वाचा :  Imtiaz Ali Movie Main Vaapas Aaunga: इम्तियाज अलींची जादू पुन्हा चालली; ‘मैं वापस आऊंगा’ला प्रेक्षकांचा भरभरून प्रतिसाद