बीजिंग – भारताचे परराष्ट्र मंत्री एस जयशंकर यांनी चीनचे परराष्ट्र मंत्री वांग यी यांची भेट घेतली आहे. भारत आणि चीनमधील सीमा विवादात सैन्य मागे घेण्याबाबत ऑक्टोबरमध्ये करार झाल्यानंतर दोन्ही नेत्यांची ही पहिलीच बैठक आहे. जयशंकर आणि वांग यांच्यातील ही भेट मंगळवारी ब्राझीलमधील रिओ दि जानेरो येथे झाली. दोन्ही नेते जी २० परिषदेत सहभागी होण्यासाठी ब्राझीलमध्ये आहेत.

या बैठकीत चीनने भारताकडे थेट विमानसेवा सुरू करण्यासह तीन मागण्या केल्या आहेत. बैठकीबाबत माहिती देताना एस जयशंकर म्हणाले की, प्रत्यक्ष नियंत्रण रेषेवर (एलएसी) नियोजित प्रमाणे सीमा कराराची जमिनीवर अंमलबजावणी सुरू आहे. ते म्हणाले की जी- २० आणि ब्रिक्स मंचावरील दोन्ही देशांच्या योगदानामुळे आंतरराष्ट्रीय राजकारणातील देशांचे महत्त्व अधोरेखित झाले आहे आणि द्विपक्षीय संबंधांचे महत्त्व अधोरेखित झाले आहे.

सोशल मीडियावर फोटो शेअर करताना एस जयशंकर यांनी लिहिले, रिओमधील जी- २० शिखर परिषदेच्या बाजूला चीनच्या सत्ताधारी पक्षाच्या पॉलिटब्युरोचे सदस्य आणि चीनी परराष्ट्र मंत्री वांग यी यांची भेट घेतली. आम्ही भारत-चीन सीमावर्ती भागात सैन्याच्या माघारीची प्रगती लक्षात घेतली आणि द्विपक्षीय संबंधांच्या पुढील चरणांवर विचार विनिमय करताना जागतिक परिस्थितीवरही चर्चा केली. तर जयशंकर यांच्या भेटीबाबत चीनचे परराष्ट्र मंत्री वांग यी यांनी सांगितले.

भारताच्या परराष्ट्रमंत्र्यांसोबतच्या बैठकीत काही मुद्दे मांडण्यात आले आहेत. चीनने चार गोष्टींवर विशेष भर दिला आहे. यामध्ये चीन आणि भारत यांच्यातील थेट उड्डाणे पुन्हा सुरू करणे, पत्रकारांना एकमेकांच्या देशात जाणे सोपे करणे आणि व्हिसा सुविधा सुधारणे यांचा समावेश आहे. चीनच्या परराष्ट्र मंत्रालयाने सांगितले की, वांग यांनी जयशंकर यांच्याशी झालेल्या चर्चेत परस्पर विश्वास वाढवणे आणि संशय कमी करणे या गरजेवर भर दिला, हा दोन्ही देशांमधील आणखी एक मुद्दा आहे.