Ukraine-Russia war : क्रिमियावर युक्रेनने डागलेली १,४०० ड्रोन रशियाने पाडली; रशियाच्या संरक्षण मंत्रालयाची माहिती
रशियाने २०१४ मध्ये बेकायदेशीरपणे बळकावलेल्या क्रिमियापासून रशियाचा थेट संपर्क तोडण्याची ही एक सांकेतिक निषेधाची कृती होती, असेही मानले जाते आहे.

Ukraine-Russia war – युक्रेनने क्रिमियावर डागलेली तब्बल १,४४१ ड्रोन रशियाच्या हवाई संरक्षण प्रणालीने पाडली. रशियाच्या संरक्षण मंत्रालयाने ही माहिती दिली.
युक्रेनच्या सैन्याने सलग दुसऱ्या दिवशी क्रिमिया आणि रशियाला जोडणाऱ्या महत्वाच्या रेल्वे आणि पुलावर युक्रेनने जोरदार ड्रोन हल्ला केला आहे. सोमवारी देखील युक्रेनने क्रिमियावर डागलेली १,३३६ ड्रोन रशियाने पाडली होती.
आज युक्रेनने क्रिमिया आणि रशियाला जोडणाऱ्या केर्च पुलावर जोरदार मारा केला. या पुलावरून लष्करी आणि नागरिकांसाठीच्या महत्वाच्या वस्तूंची वाहतूक केली जात असते. ही रसद खंडीत करण्यासाठीच युक्रेनने या पुलाला लक्ष्य करण्याचा प्रयत्न केला.
तसेच रशियाने २०१४ मध्ये बेकायदेशीरपणे बळकावलेल्या क्रिमियापासून रशियाचा थेट संपर्क तोडण्याची ही एक सांकेतिक निषेधाची कृती होती, असेही मानले जाते आहे. युक्रेनच्या हल्ल्यामुळे पुलांचे झालेले नुकसान नगण्य होते, असे अधिकाऱ्यांनी म्हटले आहे.
मात्र दोनपैकी एका पुलाचे मोठे नुकसान झाल्याचे माध्यमांच्या अनधिकृत वृत्तामध्ये म्हटले आहे. युक्रेनच्या हल्ल्याला प्रत्युत्तर म्हणून रशियाने देखील युक्रेनची राजधानी कीव्हमधील पुलांवर बॅलिस्टिक क्षेपणास्त्रे णि ड्रोनचा मारा केला. यामध्ये किमान दोघेजण ठार झाले.






