Rupee Symbol: डीएमके (द्रविड मुनेत्र कळघम)पक्षाच्या नेतृत्वाखालील तामिळनाडू सरकारने भाषेचा वाद आणखी भडकवला आहे. तमिळनाडू सरकारने 14 मार्च रोजी सादर होणाऱ्या 2025-26 राज्याच्या अर्थसंकल्पाच्या बजेटपूर्वी अधिकृत लोगोमधून भारतीय रुपयाचे चिन्ह (₹) काढून टाकले आहे. रुपयाच्या चिन्हाच्या जागी तमिळ अक्षर ‘रु’ (ரு) लिहिले आहे.

मुख्यमंत्री एमके स्टॅलिन यांच्या नेतृत्वाखाली हा निर्णय घेण्यात आला आहे. भाषा धोरणांवर सुरू असलेल्या वादविवाद आणि राष्ट्रीय शैक्षणिक धोरण (NEP) 2020 ला राज्याचा विरोध. त्याच पार्श्वभूमीवर आता त्यांनी त्यांच्या बजेटमधून रुपयाचे चिन्ह बदलले आहे. त्यानंतर आता ₹चिन्ह चर्चेत आले आहे. भारतीय रुपयाचे हे चिन्ह (₹) कोणी डिजाईन केले होते ते जाणून घेऊया.

The DMK Government’s State Budget for 2025-26 replaces the Rupee Symbol designed by a Tamilian, which was adopted by the whole of Bharat and incorporated into our Currency.

Thiru Udhay Kumar, who designed the symbol, is the son of a former DMK MLA.

How stupid can you become,… pic.twitter.com/t3ZyaVmxmq

— K.Annamalai (@annamalai_k) March 13, 2025

तामिळनाडूतील व्यक्तीनेच डिझाइन केले होते रुपयाचे चिन्ह –

भारतीय चलनावर चित्रित रुपयाचे चिन्ह तामिळनाडूतील एका व्यक्तीने डिझाइन केले होते. विशेष बाब म्हणजे हे चिन्ह तयार करणाऱ्या व्यक्तीचे वडील मुख्यमंत्री एमके स्टॅलिन यांच्या द्रमुक पक्षाचे आमदारही राहिले आहेत. आता सीएम स्टॅलिन यांनी अर्थसंकल्पापूर्वी अचानक रुपयाचे चिन्ह बदलल्याने राजकीय खळबळ उडाली आहे.

रुपयाचे चिन्ह कोणी तयार केले?

भारतीय चलनावरील रुपयाचे चिन्ह आयआयटी बॉम्बेचे विद्यार्थी डी. उदयकुमार धर्मलिंगम यांनी तयार केले होते. उदय कुमार यांचा जन्म 10 ऑक्टोबर 1978 रोजी तामिळनाडूतील कल्लाकुरिची येथे झाला. ते आयआयटी गुवाहाटीमध्ये सहाय्यक प्राध्यापक म्हणून कार्यरत आहेत. त्यांचे वडील डी धर्मलिंगम हे द्रमुक पक्षाचे माजी आमदार होते.

स्पर्धेसाठी 3331 अर्ज आले होते –

देवनागरी ‘रु’ आणि रोमन अक्षर ‘R’ एकत्र करून उदयकुमार यांनी रुपयाचे चिन्ह ₹ डिझाइन केले होते. हे भारतीय तिरंग्यापासून प्रेरित आहे. 15 जुलै 2010 रोजी भारत सरकारने ते लोकांसमोर सादर केले होते. खुल्या स्पर्धेद्वारे त्याची निवड करण्यात आली होती. वित्त मंत्रालयाने आयोजित केलेल्या स्पर्धेसाठी 3,331 अर्ज प्राप्त झाले होते. पाच अंतिम डिझाईन्समध्ये उदयकुमारचे डिझाइन विजेते ठरले.

तामिळनाडूमध्ये सध्या त्रिभाषिक युद्ध सुरू –

सध्या तामिळनाडूमध्ये त्रिभाषेवरून वाद सुरू आहे. नवीन शिक्षण धोरणावरून मुख्यमंत्री एमके स्टॅलिन आणि केंद्र सरकारमधील संघर्ष सुरूच आहे. संसदेच्या अर्थसंकल्पीय अधिवेशनात यावरून बराच गोंधळ झाला. संसदेच्या अर्थसंकल्पीय अधिवेशनाच्या पहिल्या दिवसापासूनच द्रमुक खासदार नवीन शिक्षण धोरणाविरुद्ध निदर्शने करत आहेत. ते शिक्षणमंत्री आणि सरकारविरुद्ध सतत निदर्शने करत आहेत.

राष्ट्रीय शालेय शिक्षण धोरणात, हिंदीला अनिवार्य भाषा म्हणून शिकवण्याचा प्रस्ताव आहे. यामुळे तामिळनाडूत एक मोठा विरोध होऊ लागला, कारण तामिळ लोकांचा विश्वास आहे की हिंदीच्या अनिवार्य शिक्षणामुळे तामिळ भाषा आणि संस्कृतीला धोका निर्माण होईल. हे तामिळ भाषेच्या संस्कृतीच्या संरक्षणासाठी आणि वाढीसाठी एक अडथळा ठरू शकते.