Nishikant Dubey : बारा ज्योतिर्लिंगांपैकी एक असलेल्या भीमाशंकर मंदिरात व्हीआयपी दर्शनावरून टीकेची झोड उठवली जात आहे. भीमाशंकर मंदिरातील सभामंडप आणि पायरी मार्गाच्या बांधकामासह भाविकांच्या सुरक्षेच्या कारणास्तव जिल्हाधिकाऱ्यांनी 9 जानेवारी 2026 पासून तीन महिन्यांसाठी भीमाशंकर मंदिर बंद ठेवण्याचा निर्णय घेतला होता. असे असतानाही भाजपचे खासदार निशिकांत दुबे यांच्यासाठी नियम मोडण्यात आले असून, दर्शन घेण्यासाठी मंदिर खुले करण्यात आल्याचा आरोप केला जात आहे. सर्वसामान्य नागरिकांसाठी जे नियम आहेत तेच नियम व्हिआयपी व्यक्तींसाठी देखील असायला हवेत पण तसे होत नसल्याने स्थानिकांकडून संताप व्यक्त केला जात आहे. 9 जानेवारी 2026 पासून मंदिर दुरुस्तीच्या कामासाठी अडीच महिन्यांपासून मंदिराचे दरवाजे बंद ठेवण्यात आले आहेत. परिणामी कोणतीही भाविकाला मंदिरात जावून दर्शन घेता नाही. पण हा नियम दुबेंच्या बाबतीत मोडण्यात आल्याचा आरोप केला जात आहे. हेही वाचा : LPG Crisis Satara : हॉटेल, बेकरी अन् चौपाटी बंद होणार? व्यावसायिक सिलिंडरच्या टंचाईमुळे साताऱ्यात खळबळ भाविकांमध्ये संताप हेलिकॉप्टरने आलेल्या खासदार डॉ. निशिकांत दुबे यांना विशेष परवानगी देऊन मंदिरात दर्शन देण्यात आले. याची माहिती जिल्हाधिकाऱ्यांना देखील नव्हती अशी चर्चा आहे. यानंतर भाविकांमध्ये संताप व्यक्त केला जात आहे. राजकीय नेत्यांसाठी मंदिर खुले आणि सर्वसामान्यांसाठी बंद का, असा प्रश्न उपस्थित केला जात आहे. या व्हीआयपी दर्शनावरून भीमाशंकर मंदिर प्रशासन वादाच्या भोवऱ्यात सापडले आहे. डॉ. निशिकांत दुबे कोण आहेत? डॉ. निशिकांत दुबे हे झारखंडच्या गोड्डा मतदार संघातून चार वेळा भापकडून निवडून आलेले खासदार आहेत. ते त्यांच्या विधानांमुळे सतत वादाच्या भोवऱ्यात सापडत असतात. मंदिर प्रशासनाकडून आवाहन मंदिराचे काम सुरू असल्याने बांधकाम यंत्रणा, अधिकृत अधिकारी-कर्मचारी आणि भीमाशंकर ग्रामस्थ वगळता अन्य कोणालाही मंदिर परिसरात प्रवेश दिला जाणार नाही. भाविकांनी या निर्णयाचे गांभीर्य लक्षात घेऊन प्रशासनाला सहकार्य करावे, असे आवाहन करण्यात आले आहे. हेही वाचा : Nitesh Rane : “कुंभमेळ्यात हिंदू सोडून कुणी स्टॉल लावला तर स्टॉलसकट उखडून टाका, आम्ही मंत्रालयात बसलोय”; नितेश राणेंचं मोठं वक्तव्य
