IPL 2026: आयपीएल २०२६ च्या (IPL 2026) रणसंग्रामाला २८ मार्चपासून सुरुवात होत आहे. मात्र, स्पर्धेच्या अवघ्या काही दिवस आधी रॉयल चॅलेंजर्स बेंगळुरू (RCB) संघाला मोठा धक्का बसला आहे. संघाचा मुख्य वेगवान गोलंदाज यश दयाल याने खाजगी कारणास्तव संपूर्ण सीझनमधून माघार घेतली आहे. आरसीबीचे क्रिकेट संचालक मो बोबट यांनी अधिकृतपणे ही माहिती दिली. नेमकं प्रकरण काय? IPL 2026 यश दयाल १८ मार्चपासून आरसीबीच्या सराव शिबिरात अनुपस्थित होता. आरसीबीचे क्रिकेट संचालक मो बोबट यांनी सांगितले की, “यश सध्या अत्यंत कठीण वैयक्तिक परिस्थितीमधून जात आहे. त्यामुळे तो या हंगामात संघाचा भाग नसेल. आम्ही त्याच्याशी सतत संपर्कात आहोत, परंतु सध्याची परिस्थिती पाहता त्याचे संघासोबत असणे हे खेळाडू आणि फ्रँचायझी दोघांच्याही दृष्टीने योग्य नाही.” गंभीर आरोपांची चर्चा IPL 2026 काही मीडिया रिपोर्ट्सनुसार, यश दयालवर लैंगिक छळाचे गंभीर आरोप करण्यात आले आहेत. अलीकडेच विवाहबंधनात अडकलेल्या यशवर दोन महिलांनी छळाचे आरोप केले असून, यात एका अल्पवयीन मुलीचाही समावेश असल्याचे सांगण्यात येत आहे. या प्रकरणातील कायदेशीर गुंतागुंत पाहता, फ्रँचायझीने खबरदारीचा उपाय म्हणून त्याला संघापासून दूर ठेवण्याचा निर्णय घेतल्याचे बोलले जात आहे. हेही वाचा – 7 एप्रिलला भारतात होणार धमाका! 9000mAh बॅटरी आणि 165Hz डिस्प्लेसह नवा ‘किंग’ बाजारात खिताब वाचवण्याचे आव्हान- IPL 2026 आरसीबीचा संघ यंदा कर्णधार रजत पाटीदारच्या नेतृत्वाखाली आपले जेतेपद (Title) टिकवण्यासाठी मैदानात उतरेल. मात्र, यश दयालच्या अनुपस्थितीमुळे संघाच्या वेगवान गोलंदाजीवर परिणाम होण्याची शक्यता आहे. यश दयाल सध्या तरी आरसीबीच्या कराराचा (Contract) भाग आहे. तो आपल्या वैयक्तिक समस्यांमधून बाहेर आल्यानंतर त्याच्याशी चर्चा करून पुढील निर्णय घेतला जाईल, असे बोबट यांनी स्पष्ट केले. आयपीएलच्या १९ व्या हंगामाचा सलामीचा सामना २८ मार्च रोजी चिन्नास्वामी स्टेडियमवर रॉयल चॅलेंजर्स बेंगळुरू विरुद्ध सनरायझर्स हैदराबाद यांच्यात रंगणार आहे. बॅकअप खेळाडू सज्ज – IPL 2026 यश दयाल हा आरसीबीच्या गोलंदाजीचा महत्त्वाचा दुवा होता. मात्र, मो बोबट यांनी विश्वास व्यक्त केला आहे की, संघात यशची उणीव भरून काढण्यासाठी पुरेसे पर्याय उपलब्ध आहेत. दयालने गेल्या हंगामात आरसीबीसाठी चमकदार कामगिरी केली होती, त्यामुळे त्याची अनुपस्थिती चाहत्यांसाठी चिंतेचा विषय ठरत आहे. दरम्यान, वैयक्तिक कारणांचे नाव दिले असले तरी, यश दयालवरील गंभीर आरोपांमुळे आयपीएल वर्तुळात मोठी खळबळ उडाली आहे.
