Baramati News : रोटरी क्लब ऑफ बारामतीच्या नेतृत्वाखाली रोटरी क्लब ऑफ इंदापूर सेंट्रल, रोटरी क्लब ऑफ सुपे परगणा, रोटरी क्लब ऑफ पुणे साऊथ, रोटरी क्लब ऑफ पुरंदर तसेच रोटरी डिस्ट्रिक्ट ३१३१ आणि इकॉनॉमिक अँड कम्युनिटी डेव्हलपमेंट टीम यांच्या संयुक्त विद्यमाने ‘एक साडी तिच्यासाठी’ हा सामाजिक उपक्रम सोमेश्वर सहकारी साखर कारखाना, सोमेश्वर येथे सोमवार, दिनांक ९ नोव्हेंबर २०२६ रोजी उत्साहात पार पडला. (Baramati News)

भाऊबीजेच्या निमित्ताने ऊसतोड कामगार महिलांची दिवाळी आनंदात साजरी व्हावी आणि त्यांच्या चेहऱ्यावर हास्य फुलावे, या उदात्त हेतूने या कार्यक्रमाचे आयोजन करण्यात आले होते. या उपक्रमांतर्गत ऊसतोड कामगार महिलांना सुमारे १२०० नवीन साड्यांचे वाटप करण्यात आले. (Baramati News)

सोमेश्वर सहकारी साखर कारखान्याचे अध्यक्ष राजवर्धनदादा शिंदे यांच्या हस्ते साडीवाटप करण्यात आले. या कार्यक्रमास रोटरी डिस्ट्रिक्ट ३१३१ चे प्रांतपाल नितीन धामळे प्रमुख पाहुणे म्हणून उपस्थित होते. (Baramati News)

हा संपूर्ण उपक्रम रोटरी क्लब ऑफ बारामतीचे अध्यक्ष अतुल गांधी यांच्या विशेष पुढाकाराने आणि नेतृत्वाखाली यशस्वीपणे पार पडला. यावेळी रोटरीचे संचालक रोटेरियन वसंतराव माळुंजकर, रोटरी क्लब ऑफ सुपे परगणाचे अध्यक्ष श्री. अशोक बसाळे, रोटरी क्लब ऑफ इंदापूर सेंट्रलच्या अध्यक्षा सौ. मंदाकिनी डोंबाळे, रोटरी क्लब ऑफ पुरंदरचे अध्यक्ष संदीप टिळेकर, रोटरी क्लब ऑफ पुणे साऊथचे अध्यक्ष विनोद अग्रवाल, प्रकल्प संचालिका प्रतिभा जगदाळे आणि सहसंचालक पार्श्वेंद्र फर्सोले उपस्थित होते. (Baramati News)

रोटरी क्लब ऑफ बारामतीचे सचिव हर्षवर्धन पाटील, मल्लिकार्जुन हिरेमठ, प्रतीक दोशी, महावीर शहा वडूजकर, विजय इंगळे, अलियासागर बारामतीवाला, राहुल बनकर, प्रा. डॉ. अजय दरेकर आणि अरविंद गरगट्टे यांच्यासह क्लबचे अनेक सदस्य उपस्थित होते. (Baramati News)

या कार्यक्रमासाठी ‘कोपीवरची शाळा’ या उपक्रमाचे समन्वयक संतोष शेंडकर आणि त्यांच्या शिक्षक सहकाऱ्यांनी ऊसतोड कामगार महिलांना कार्यक्रमस्थळी उपस्थित राहण्यासाठी विशेष परिश्रम घेतले. कार्यक्रमाचे सूत्रसंचालन प्रा. डॉ. अजय दरेकर यांनी केले. (Baramati News)

या उपक्रमासाठी रोटरी क्लब ऑफ बारामतीच्या विविध सदस्यांनी मोठ्या प्रमाणावर आर्थिक सहकार्य केले. तसेच रोटरी क्लब ऑफ पुणे साऊथ, इंदापूर सेंट्रल, सुपे परगणा आणि पुरंदर या क्लबमधील सदस्यांनीही आर्थिक योगदान देऊन या सामाजिक उपक्रमाला मोलाचा हातभार लावला. सर्वांच्या एकत्रित प्रयत्नांमुळे हा उपक्रम यशस्वीरीत्या पार पडला. (Baramati News)

नवीन साड्या मिळाल्यानंतर महिलांनी आनंद आणि समाधान व्यक्त केले. भाऊबीजेच्या निमित्ताने मिळालेली ही भेट त्यांच्यासाठी दिवाळीचा आनंद द्विगुणित करणारी ठरली. (Baramati News)

यावेळी प्रांतपाल नितीन धामळे तसेच उपस्थित सर्व रोटरी क्लबच्या अध्यक्षांनी या उपक्रमाबद्दल समाधान व्यक्त केले. ऊसतोड कामगार महिलांच्या चेहऱ्यावर आनंद फुलविणारा हा उपक्रम अत्यंत कौतुकास्पद असून, अशा प्रकारचा साडीवाटप कार्यक्रम दरवर्षी आयोजित करण्यात यावा, अशी भावना त्यांनी व्यक्त केली. (Baramati News)

रोटरी क्लब ऑफ बारामतीतर्फे शिक्षण, आरोग्य, पर्यावरण आणि समाजातील गरजू घटकांसाठी विविध समाजोपयोगी उपक्रम सातत्याने राबविले जातात. सामाजिक बांधिलकी जपत राबविण्यात आलेल्या या उपक्रमाचे बारामती व सोमेश्वर परिसरातील नागरिकांनी विशेष कौतुक केले. (Baramati News)