Rohit Sharma Statement : २०२७ च्या वर्ल्ड कपमध्ये रोहित शर्मा खेळणार का?; ‘हिटमॅन’ने अखेर मौन सोडले, ‘त्या’ टी-शर्टवरून आगरकरांना टोला?
Rohit Sharma Statement : 'ग्लोबल फिनटेक फेस्ट'दरम्यान विचारण्यात आलेल्या प्रश्नावर रोहितने २०२७ च्या एकदिवसीय विश्वचषकातील आपल्या सहभागाबाबत अखेर थेट प्रतिक्रिया दिली आहे.
Rohit Sharma Statement On ODI World Cup 2027 Participation Non Committal T-Shirt Agarkar : कसोटी आणि टी-२० आंतरराष्ट्रीय क्रिकेटमधून निवृत्ती घेतल्यानंतर दिग्गज फलंदाज रोहित शर्माच्या (Rohit Sharma) भवितव्याबाबत सतत तर्कवितर्क लावले जात आहेत. अशातच मुंबईत पार पडलेल्या ‘ग्लोबल फिनटेक फेस्ट’दरम्यान विचारण्यात आलेल्या प्रश्नावर रोहितने २०२७ च्या एकदिवसीय विश्वचषकातील आपल्या सहभागाबाबत अखेर थेट प्रतिक्रिया दिली आहे. नेहमीच्या मिश्कील अंदाजात उत्तर देताना तो म्हणाला, “ऑक्टोबर २०२७ अजून खूप लांब आहे, तेव्हा बघू.” त्याच्या या विधानाने त्याने विश्वचषकाचे दरवाजे पूर्णपणे बंद केलेले नसल्याचे स्पष्ट केले आहे.
बस परेड पुन्हा अशक्य; दक्षिण आफ्रिकेतील विश्वचषकाबाबत संयमी भूमिका!
२०२७ चा एकदिवसीय विश्वचषक दक्षिण आफ्रिका, झिम्बाब्वे आणि नामिबिया येथे रंगणार आहे. या स्पर्धेत खेळण्याबाबत घाईघाईने निर्णय घेण्याच्या मनस्थितीत आपण नसल्याचे रोहितने दाखवून दिले. २०२४ च्या टी-२० विश्वचषक विजयानंतर मुंबईत झालेल्या ऐतिहासिक खुल्या बस परेडची आठवण काढत, २०२७ मध्ये तशी परेड दिसेल का असे विचारले असता, “मला वाटत नाही की आता तशी बस परेड पुन्हा शक्य होईल,” असे हसत त्याने सांगितले.
Abhi October Suru Bhi Nahi Hua Hai, Abhi Ek Saal Bacha Hai. 🤷♂️ https://t.co/hlSuomQzR6 pic.twitter.com/REb08WHEur
— Rohit Sharma Fan (@hitmanfanfollow) September 10, 2026
‘Non-committal?’ टी-शर्टची तुफान चर्चा; अजित आगरकरांवर अप्रत्यक्ष निशाणा?
Rohit Sharma wearing non committal T-shirt. 🤣 pic.twitter.com/Cvw8CDyoGN
— Mufaddal Vohra (@mufaddal_vohra) September 10, 2026
मैदानाबाहेर रोहित टीव्ही विश्वात पदार्पण करत असून ‘फॅमिली फुल हाऊस’ या गेम शोचे सूत्रसंचालन करणार आहे. या शोच्या शूटिंग सेटवरून व्हायरल झालेल्या व्हिडिओत रोहितने घातलेल्या पांढऱ्या टी-शर्टवर ‘Non-committal?’ असा मजकूर लिहिलेला दिसला. मुख्य निवडकर्ता अजित आगरकर यांनी २०२७ च्या विश्वचषक योजनांवर बोलताना रोहित आणि विराटच्या बाबतीत हाच शब्दप्रयोग केला होता. त्यामुळे रोहितने टी-शर्टच्या माध्यमातून आगरकरांना अप्रत्यक्ष टोला लगावल्याची जोरदार चर्चा सोशल मीडियावर रंगली आहे.
१९ सप्टेंबरपासून टीव्हीवर नवी इनिंग; वेस्ट इंडिजविरुद्ध मैदानात पुनरागमन!
रोहितचा हा नवा गेम शो १९ सप्टेंबर २०२६ पासून सोनी टीव्ही आणि सोनी लिव्हवर प्रसारित होणार आहे. दरम्यान, बीसीसीआयचे सचिव देवजित सैकिया यांनी स्पष्ट केले की, रोहितने शेवटच्या वनडेत इंग्लंडविरुद्ध १३८ धावांची खेळी केली असल्याने त्याच्या क्षमतेवर प्रश्न उपस्थित करणे चुकीचे आहे. लवकरच रोहित शर्मा आणि विराट कोहली वेस्ट इंडिजविरुद्धच्या आगामी तीन सामन्यांच्या एकदिवसीय मालिकेतून टीम इंडियाच्या जर्सीत पुन्हा एकदा चौकार-षटकार खेचताना दिसणार आहेत.
