Rohit Pawar । राष्ट्रवादी काँग्रेस पक्षाचं चिन्ह आणि नाव अजित पवार गटाकडे गेल्याने शरद पवार गटाने सर्वोच्च न्यायालयात धाव घेतली होती. याप्रकरणी सुनावणी झाली असून, आगामी निवडणुकीत घड्याळ चिन्ह अजित पवार गट वापरू शकणार आहे. तर, तुतारी वाजवणारा माणूस हे चिन्ह शरद पवार गटासाठी राखीव ठेवण्यात आलं आहे. असे निर्देश देत असताना सर्वोच्च न्यायालयाने अजित पवार गटाला त्यांच्या चिन्हाखाली एक टिप्पणीही लिहायला सांगितली आहे. यावरून रोहित पवार गटाने अजित पवार गटावर हल्लाबोल केला आहे.

अन्यथा घड्याळ तर जाईलच पण वेळ.. Rohit Pawar ।

रोहित पवार यांनी सर्वोच्च न्यायालायने दिलेल्या सूचनेवरून अजित पवार गटावर टीका केली. रोहित पवार यांनी याविषयी, “या निवेदनातील पहिलं वाक्य खरं असलं तरी लाल चौकटीतील अर्ध वाक्य अधिक सत्य आहे. कारण अंतिम निकालात न्यायालयाने परवानगी दिली तरच घड्याळ चिन्ह पुढे वापरता येईल, अन्यथा घड्याळ तर जाईलच पण वेळ कशी येईल याचा अंदाज लोकांचा विरोध बघता आजच येतोय. राजकारणाला अशा अटी लागू होत असतील तर याचं दुःख वाटतं. पण विचार बदलल्यामुळे आणि ज्याचं राजकारणच विरोधी पक्षाला संपवण्याच्या अटीवर चालतं त्यांच्यासोबत गेल्याने ही वेळ आली, हे नाकारता येणार नाही!”

सर्वोच्च न्यायालयाचा नेमका निकाल काय? Rohit Pawar ।
राष्ट्रवादी काँग्रेस पक्षनाव व घड्याळ हे पक्षचिन्ह अजित पवार गटाला देण्याचा निर्णय निवडणूक आयोगानं घेतल्यानंतर त्याला सर्वोच्च न्यायालयात आव्हान देण्यात आलं. शरद पवार गटानं यासंदर्भात केलेल्या याचिकेच्या सुनावणीदरम्यान सर्वोच्च न्यायालयाने आधी अजित पवार गटाला घड्याळ चिन्हाऐवजी दुसरं चिन्ह वापरण्याचा सल्ला दिला होता. नंतर मात्र एकीकडे शरद पवार गटाला लोकसभा निवडणुकांपर्यंत तुतारी चिन्ह वापरण्याची परवानही देतानाच घड्याळ हे चिन्ह वापरण्यासाठी अजित पवार गटाला परवानगी देण्यात आली. या परवानगीसाठी न्यायालयाने अटी घालण्यात आल्या आहेत.

हेही वाचा
”मी दिल्लीत ‘मंत्री’ झाली असती आणि रोहित पवार राज्यात ‘मंत्री’ पण …”