नु.म.वि मराठी प्रशालेच्या प्रांगणात रंगला रिंगण सोहळा

पुणे – आज पुण्यातील नु.म.वि मराठी शाळेच्या विद्यार्थ्यांची वारी आणि रिंगण सोहळा मोठ्या उत्साहात संपन्न झाला. दिंडी म्हणजे काय, दिंडीची परंपरा, वारकरी संप्रदाय याविषयीची माहिती मुलांना व्हावी या उद्देशाने आषाढी वारीनिमित्त शाळेत दिंडीचे आयोजन करण्यात आले होते.

यावेळी शाळेच्या मैदानात विद्यार्थ्यांनी गोल रिंगण केले होते. बालक स्वरुपातील विठोबा व रुक्मिणी, डोक्यावर मंगल कलश व तुळस घेतलेल्या नऊवारी साडी परिधान केलेल्या मुली तसेच धोतर-टोपी-पांढरा शर्ट, कपाळी गंध-बुक्का, हाती भगवी पताका घेतलेल्या विद्यार्थ्यांच्या या दिंडीने सर्वांचे लक्ष वेधून घेत होते.