संगमनेर (प्रतिनिधी) – आ. बाळासाहेब थोरात यांनी काय आरोप करावे हा त्यांचा प्रश्न आहे. राज्यातील कॉंग्रेसचे भवितव्य संपलेलं आहे, पुढाऱ्यांचे भविष्य काय आहे ते माहिती नाही. ज्यांच्याकडे जनाधारच नाही त्यांच्या आरोपावर बोलण्याची गरज नाही, असा टोला महसूलमंत्री राधाकृष्ण विखे पाटील यांनी आमदार बाळासाहेब थोरात यांना लगावला.  संगमनेरमध्ये वयोश्री योजनेअंतर्गत लाभार्थ्यांना साहित्य वाटप कार्यक्रमावेळी ते बोलत होते.

राष्ट्रीय वयोश्रीच्या माध्यमातून संगमनेर 1635 शहरातील ज्येष्ठ नागरिकांना मंजूर झालेल्या सहायक साधन साहित्याचे वितरण मंत्री राधाकृष्ण विखे पाटील यांच्या उपस्थितीत करण्यात आले. सामाजिक कार्यकर्त्या सुवर्णाताई मालपाणी यांच्या अध्यक्षतेखाली झालेल्या या कार्यक्रमास ज्येष्ठनेते वसंतराव गुंजाळ, वसंतराव देशमुख, बापूसाहेब गुळवे, भाजपाचे सरचिटणीस नितीन दिनकर, शहराध्यक्ष श्रीराम गणपुले, तालुकाध्यक्ष सतिष कानवडे, उपाध्यक्ष जावेद जहागिरदार, महिला अध्यक्षा प्राजक्ता बागुल, अमोल खताळ, रविंद्र थोरात, बापू देशमुख, अशोक कानवडे, संदीप देशमुख यांच्यासह पदाधिकारी उपस्थित होते.

https://wordpress-1295094-4705890.cloudwaysapps.com/maharashtra-politics-satyajit-tambe-will-join-bjp-soon/

मंत्री विखे पाटील यांच्याहस्ते तालुक्‍यातील 515 घरकुलांचे प्रातिनिधीक स्वरुपात ऑनलाईन भूमिपूजन करण्यात आले. अकलापूर येथील विजेचा शॉक लागून मृत्यूमुखी पडलेल्या बर्डे कुटुंबीयांना मंजूर झालेल्या घरकुलाचे पत्रही देण्यात आले.

संगमनेरची सायकलपटू प्रणिता प्रफुल्ल सोमण हिला पुढील प्रशिक्षणासाठी मंत्री राधाकृष्ण विखे पाटील यांनी 5 लाख रुपयांची आर्थिक मदत देऊन प्रवरा ग्रामीण शिक्षण संस्थेच्या वतीने तिच प्रायोजकत्व स्वीकारले आहे. या मदतीचा धनादेश डॉ.सौ.स्वाती सुमन यांना मंत्री विखे पाटील यांनी प्रदान केला.

सरकारच्या संदर्भात विरोधकांकडून केल्या जाणाऱ्या बेछूट वक्तव्यांची खिल्ली उडवून मंत्री विखे पाटील म्हणाले की, विरोधकांमध्ये सध्या मोठ्या प्रमाणात भविष्यकार तयार झाले आहेत. सरकार पडण्याच्या रोज तारखा ते देत आहेत. परंतु हे सरकार आपला कार्यकाळ पूर्ण करून आगामी काळातही भाजपा आणि बाळासाहेबांची शिवसेना या युतीचेच सरकार राज्यात यशस्वीपणे काम करील, असा विश्वास त्यांनी व्यक्त केला.