Maharashtra Politics : महाराष्ट्राच्या राजकारणात पुन्हा एकदा मोठ्या घडामोडी होण्याची शक्यता व्यक्त केली जात आहे. केंद्रातील संभाव्य मंत्रिमंडळ फेरबदलाच्या चर्चांदरम्यान आता राज्यातील राजकीय समीकरणांबाबतही तर्कवितर्कांना उधाण आले आहे. राष्ट्रवादी काँग्रेस पक्षातील संभाव्य मंत्रिमंडळ बदलांच्या हालचालींना वेग आल्याची चर्चा असून, याच पार्श्वभूमीवर दिल्लीत एक महत्त्वाची बैठक पार पडल्याची माहिती समोर आली आहे.

अमित शाह यांच्या उपस्थितीत दिल्लीत बैठक

सूत्रांच्या माहितीनुसार, राष्ट्रवादी काँग्रेसच्या राष्ट्रीय अध्यक्षा सुनेत्रा पवार, खासदार पार्थ पवार आणि मुख्यमंत्री देवेंद्र फडणवीस यांची बुधवारी (21 ऑक्टोबर) केंद्रीय गृहमंत्री अमित शाह यांच्या उपस्थितीत दिल्लीत बैठक झाली.

राष्ट्रवादीला अर्थखाते मिळणार? मंत्रिपदांमध्ये बदलाचीही चर्चा

या बैठकीच्या पार्श्वभूमीवर राज्य सरकारमधील राष्ट्रवादी काँग्रेसच्या वाट्याला असलेल्या खात्यांमध्ये बदल होण्याची शक्यता चर्चेत आली आहे. राष्ट्रवादीच्या प्रमुखांकडून राज्यातील अर्थखाते मिळावे, तसेच मंत्रिमंडळातील काही मंत्रिपदांमध्ये फेरबदल करण्यात यावेत, अशी इच्छा अमित शाह यांच्याकडे व्यक्त करण्यात आल्याची माहिती सूत्रांकडून मिळत आहे.

सुनेत्रा पवार आणि पार्थ पवार यांच्या भेटीनंतर घडामोडींना वेग

सुनेत्रा पवार आणि पार्थ पवार यांनी अमित शाह यांची भेट घेतल्याची माहिती समोर आली होती. त्यानंतर नुकतीच मुख्यमंत्री देवेंद्र फडणवीस यांच्या उपस्थितीत अमित शाहांसोबत झालेल्या बैठकीमुळे या चर्चांना आणखी वेग आला आहे.

 राष्ट्रवादीच्या राजकारणात काय बदल होणार?

दिल्लीत झालेल्या या बैठकीनंतर महाराष्ट्रातील राजकीय वर्तुळाचे लक्ष राष्ट्रवादी काँग्रेसमधील पुढील घडामोडींकडे लागले आहे. राज्य सरकारमधील खातेवाटपात बदल होणार का, राष्ट्रवादीला अर्थखाते मिळणार का आणि मंत्रिमंडळात फेरबदल होणार का, याबाबत उत्सुकता निर्माण झाली आहे. त्यामुळे आगामी घडामोडींकडे राजकीय वर्तुळाचे लक्ष लागले आहे.

IND vs NZ 1st T20 : टी-20 मालिकेचा थरार आजपासून! भारत-न्यूझीलंड पहिला सामना, जाणून घ्या वेळ आणि थेट प्रक्षेपणाची माहिती