Yogi Adityanath Death Threat | उत्तर प्रदेशचे मुख्यमंत्री योगी आदित्यनाथ यांना जीवे मारण्याची धमकी देण्यात आली आहे. मुंबई पोलिसांना धमकीचा मेसेज मिळाला आहे. हा मेसेज मिळाल्यानंतर महाराष्ट्र पोलीस सक्रिय झाले असून मेसेज पाठवणाऱ्या व्यक्तीचा शोध घेतला जात आहे.

वास्तविक, मुंबईच्या वाहतूक नियंत्रण कक्षाला एका अनोळखी नंबरवरून संदेश आला आहे की, ‘योगी आदित्यनाथ यांनी 10 दिवसांत राजीनामा दिला नाही तर आम्ही त्यांना बाबा सिद्दीकींप्रमाणे मारून टाकू’. शनिवारी (2 नोव्हेंबर) सायंकाळी हा संदेश मिळाला, त्यानंतर सुरक्षा यंत्रणा सतर्क झाली आहे. मुंबई पोलीस आता या प्रकरणाचा अधिक तपास करून कारवाई करण्यात व्यस्त आहेत.

2024 मध्येच उत्तर प्रदेशचे मुख्यमंत्री योगी आदित्यनाथ यांना अनेकदा जीवे मारण्याच्या धमक्या आल्या होत्या. यूपी पोलिसांनी वेगवेगळ्या ठिकाणांहून धमक्या देणाऱ्यांना अटक केली. कधी फेसबुक-एक्सच्या माध्यमातून तर कधी पोलिसांना मेसेजद्वारे या धमक्या आल्या आहेत. उत्तर प्रदेश, मुंबई आणि बिहारमधून अनेकांना अटक करण्यात आली आहे, ज्यांनी सोशल मीडियाच्या माध्यमातून मुख्यमंत्री योगी आदित्यनाथ यांना जीवे मारण्याची धमकी दिली होती.

बाबा सिद्दीकी यांची गोळ्या झाडून हत्या

राष्ट्रवादीचे नेते बाबा सिद्दीकी यांची मुंबईत गोळ्या झाडून हत्या करण्यात आली. ते त्यांचा आमदार मुलगा झीशान सिद्दीकी यांच्या कार्यालयाजवळ होते तेव्हा तीन हल्लेखोरांनी त्यांच्यावर गोळीबार केला. या हत्येची जबाबदारी लॉरेन्स बिश्नोईच्या टोळीने घेतली होती. त्याचबरोबर बाबा सिद्दीकी यांच्या हत्येनंतर सलमान खानलाही अनेक धमक्या येत आहेत.