CM Devendra Fadnavis: मुख्यमंत्री देवेंद्र फडणवीस यंदाची दिवाळी शेतकऱ्यांसोबत साजरा करणार आहेत. यानिमित्त त्यांनी नागपूर जिल्ह्यातील नरखेड तालुक्यातील लोहारी (सावंगा) येथे शेतकरी कुटुंबाच्या घरी जेवण करून मुक्काम केला.

यावेळी त्यांनी शेतकऱ्यांशी संवाद साधत, त्यांच्या अडचणीही जाणून घेतल्या. राज्यात दुष्काळाची भीषण परिस्थिती असल्याने मुख्यमंत्र्यांनी शेतकऱ्यांना दिलासा देत एक मोठा निर्णय घेतला आहे.

बोर खोदण्यास मुदतवाढ

राज्यात बोअरवेल बंदी सरसकट उठवली जाणार नाही, मात्र जिथे शेतकऱ्यांच्या फळबागा आहेत तिथे 15 डिसेंबरपर्यंत बोअरवेल खोदकामावरील बंदी मागे घेऊन 15 डिसेंबरपर्यंत बोर खोदण्यास मुदतवाढ देण्यात आली आहे, असे फडणवीस यांनी सांगितले आहे.

फडणवीस म्हणाले की, “आता जर फळबागांना वाचवलं नाही तर खूप नुकसान होईल, फळ येण्याकरिता दहा-बारा वर्षे लागतात आणि म्हणून अशा भागांमध्ये जिथे काही काळापर्यंत बंदी उठवणे शक्य आहे तिथे आम्ही बोअरवेल खोदकाम बंदी उठवणार आहोत, ते सरसकट उठवली जाणार नाही.

जिथे शेतकऱ्यांच्या फळ बागा आहेत तिथे १५ डिसेंबरपर्यंत बोअरवेल खोद कामावरील बंदी मागे घेऊन १५ डिसेंबर पर्यंत मुदतवाढ देण्यात आली आहे, मे महिन्यापर्यंत पाणी पुरवायचा आणि वाचवायचे आहे.”

याशिवाय, “ज्या गावांमधील तलाव किंवा पाण्याचे स्रोत कोरडे पडले आहेत, तिथे जलद गतीने खोलीकरण करून गाळ काढण्याचे काम सुरू करण्याचे निर्देश देण्यात आले आहेत.

खोलीकरण आणि गाळ वाहतुकीचा संपूर्ण खर्च राज्य सरकार उचलणार असून, दुष्काळाच्या काळात पुढाकार घेऊन शेतकऱ्यांना मदत करणाऱ्या ग्रामपंचायतींना विशेष मदत केली जाईल,” असेही मुख्यमंत्री फडणवीस म्हणाले.

फ्लॅशिंगला बंदी नाही, केवळ खोलीकरणावर बंदी आहे, त्यासाठी परवानगी लागेल. काल रात्री शेतकऱ्यांसोबत चर्चा केली आणि आज तालुक्यातील सरपंच बोलवले होते, त्या सरपंचांसोबत चर्चा केली. गावाचे प्रश्न, रस्त्याचे, शेतीचे, तलावांचे प्रश्न असे विविध प्रश्न आपल्यासमोर आहेत त्यातून बरेचसे प्रश्न हे मार्गी लागण्यासारखे आहेत, काहींच्या योजना तर ऑलरेडी घोषित झाले आहेत. त्यामुळे सगळे निवेदने आली आहे त्यावर आम्ही कारवाई करू,” असे आश्वासनही फडणवीस यांनी दिले.

दरम्यान, मुख्यमंत्र्यांनी स्थानिक शेतकरी रामभाऊ बालपांडे यांच्या घरी मुक्काम केला. “रामभाऊ हे लढाऊ बाण्याचे शेतकरी असून त्यांनी उत्तम पाहुणचार केला, त्यांच्याकडून मलाही प्रेरणा मिळाली,” अशा भावना त्यांनी व्यक्त केल्या. कर्जमाफी मिळाल्याबद्दल रामभाऊंच्या कुटुंबाने समाधान व्यक्त केल्याचेही मुख्यमंत्र्यांनी सांगितले.

जलजीवन मिशनबाबत माहिती 

शेतकऱ्यांच्या प्रश्नांवर तातडीने तोडगा काढण्याचे आश्वासन देत मुख्यमंत्र्यांनी जलजीवन मिशनबाबतही महत्त्वाची माहिती दिली. “जलजीवन मिशनच्या अनेक कामांसाठी निधी प्रलंबित होता. मात्र आता ज्या गावांमध्ये मंजूर कामांपैकी ७५ टक्क्यांपेक्षा जास्त काम पूर्ण झाले आहे, अशा कामांना तातडीने प्राधान्य देऊन तेथे पाणी उपलब्ध करून दिले जाईल.

दुसऱ्या टप्प्यात ५० टक्क्यांहून अधिक काम झालेल्या प्रकल्पांना निधी दिला जाईल. दुष्काळावर कायम मात करायचे असेल तर एकीकडे जलसंधारणाची काम करावी लागेल. दुसरीकडे नदी जोड प्रकल्प करावा लागेल. वैनगंगा- नळगंगा प्रकल्पामुळे विदर्भातील दहा हजार एकर सिंचनाखाली येणार आहे,” असे त्यांनी स्पष्ट केले.

फडणविसांनी मानले पंतप्रधान मोदींचे आभार 

मुख्यमंत्री फडणविसांच्या कामाचे पंतप्रधान मोदी यांनी कौतुक केले. याबाबत फडणविसांनी, पंतप्रधान मोदी यांचे आभार मानले. “मोदीजी सतत महिला, शेतकरी, दिव्यांग अशा घटकांचे अतिशय आपुलकीने व्यवहार करतात, त्यांचे प्रश्न प्राधान्याने घेतात. म्हणूनच आम्हाला असे वाटते की त्यांच्या व्यवहारातून हे सगळं करण्याची प्रेरणा मिळते,” असेही फडणविसांनी सांगितले.

हेही वाचा: 

Divyanka Tripathi : दिव्यांका त्रिपाठीने पाच महिन्यांनंतर सांगितली जुळ्या मुलांची नावे; अर्थही आहे फारच खास