Weight Loss Tips : लठ्ठपणा ही आजची सर्वात गंभीर समस्या आहे. वर्ल्ड हेल्थ ऑर्गनायझेशनच्या मते, जास्त वजन किंवा लठ्ठपणामुळे दरवर्षी 4 दशलक्षाहून अधिक लोक मरतात. प्रौढ आणि अगदी लहान मुलांमध्ये जास्त वजन आणि लठ्ठपणाचे प्रमाण सातत्याने वाढत आहे. समस्या अशी आहे की लठ्ठपणा हा हृदयरोग आणि स्ट्रोक सारख्या गंभीर आजारांसह अनेक रोगांसाठी एक प्रमुख जोखीम घटक आहे, जे जगभरात मृत्यूचे प्रमुख कारण आहेत. तज्ञांचे म्हणणे आहे की लठ्ठपणा कमी करण्यासाठी लोकांनी त्यांच्या आहाराकडे विशेष लक्ष देणे आवश्यक आहे. नाश्त्यापासून रात्रीच्या जेवणापर्यंत प्रत्येक गोष्टीची काळजी घ्यावी लागते. विशेषत: रात्री बाहेर खाणे आणि अरबट-चरबट गोष्टी खाल्ल्याने आरोग्यावर वाईट परिणाम होतो आणि लठ्ठपणा वाढतो. अशा परिस्थितीत रात्रीच्या वेळी कोणत्या गोष्टींचे सेवन केले पाहिजे, ज्यामुळे लठ्ठपणा कमी होण्यास मदत होईल हे जाणून घेऊया. दही दहीमध्ये अनेक प्रकारचे पोषक घटक असतात, जे आरोग्यासाठी फायदेशीर असतात. त्यात असलेले प्रथिने स्नायूंना बळकट करण्याचे काम करतात. रात्री झोपण्यापूर्वी फक्त एक कप दही खाल्ले तर ते वजन किंवा लठ्ठपणा कमी करण्यास खूप उपयुक्त ठरते. काकडी तज्ञ म्हणतात की रात्रीचे जेवण खूप हलके असावे. त्यामुळे रात्रीच्या जेवणासाठी सॅलड आणि सूप उत्तम असतात. आपण काकडीचे सॅलडच्या स्वरूपात सेवन करू शकता. यामुळे पोट लवकर भरते आणि सहज पचते. तसेच याने लठ्ठपणा कमी करण्यात खूप मदत होते. ओट्स ओट्स हे निरोगी पदार्थांपैकी एक मानले जातात. यात भरपूर फायबर आणि चरबी कमी असते. त्यामुळे ते लठ्ठपणा कमी करण्यासाठी उपयुक्त ठरू शकते. जरी बहुतेक लोकांना वाटते की ओट्स फक्त सकाळी नाश्त्यात खावेत, तर तसे नाही. तज्ञांचे म्हणणे आहे की रात्रीच्या वेळी तुम्ही बिनदिक्कत ओट्सचे सेवन करू शकता. बदाम बदामांमध्ये मुबलक प्रमाणात फायबर आढळते. ते खाल्ल्यानंतर व्यक्तीला दीर्घकाळ भूक लागत नाही. त्यामुळे बदामाचे सेवन लठ्ठपणा कमी करण्यास मदत करू शकते. आपण रात्रीदेखील बदाम खाऊ शकता. तज्ञांचे म्हणणे आहे की रात्री बदाम खाल्ल्याने रक्तातील साखरेची पातळी नियंत्रित होतेच, शिवाय झोप आणि त्याची गुणवत्ता सुधारण्यास मदत होते.
