Gargi Phule : सोशल मीडियाच्या वाढत्या प्रभावामुळे रील स्टार्स आणि इन्फ्लुएन्सर्सची लोकप्रियता दिवसेंदिवस वाढत आहे. मात्र, रील स्टार्स आणि कलाकार यांच्यातील फरक अधोरेखित करत मराठी अभिनेत्री गार्गी फुले यांनी स्पष्ट भूमिका मांडली. त्यांनी रील स्टार्सना अभिनेते म्हणणे योग्य नसल्याचे ठामपणे सांगितले.

काही दिवसांपूर्वी पुणे–पंढरपूर महामार्गावरील टोल नाक्यावर रील स्टार महेश मोटे याने केलेल्या गोंधळाच्या घटनेचाही त्यांनी अप्रत्यक्ष उल्लेख करत टीका केली.

नुकत्याच दिलेल्या एका मुलाखतीत गार्गी फुले म्हणाल्या, “मी यापूर्वीही सांगितलं आहे की, रील स्टार हे कलाकार नाहीत. फॉलोअर्सच्या आधारावर काही वाहिन्यांनी त्यांना संधी दिली, पण त्यामुळे ते अभिनेते होत नाहीत. यामुळे मला ट्रोलही करण्यात आलं. अनेकांनी आम्ही कंटेंट तयार करण्यासाठी मेहनत घेतो, असं सांगितलं. त्यांची मेहनत नक्कीच आहे, पण अभिनय हा वेगळा विषय आहे. कलाकार होण्यासाठी अनेक वर्षांची साधना आणि प्रशिक्षण लागतं. त्यामुळे प्रत्येक रील स्टार स्वतःला अभिनेता म्हणू शकत नाही.”  (Gargi Phule)

हेही वाचा : Dr. Shrikant Shinde : “एक डॉक्टर म्हणून….”; रुग्णालयातील मारहाण प्रकरणावर डॉ. श्रीकांत शिंदेंची संतप्त प्रतिक्रिया

टोल नाक्यावर घडलेल्या व्हायरल घटनेचा संदर्भ देत त्या म्हणाल्या, “एका रील स्टारचा टोल नाक्यावरील व्हिडीओ पाहिला. स्वतःला रील स्टार म्हणत नियमांपेक्षा वेगळं वागणं योग्य नाही. सरकारी नियम सर्वांसाठी समान असतात. त्यामुळे टोल भरायलाच हवा. तो व्हिडीओ पाहून मला गंमत वाटली.”  (Gargi Phule)

 

रील स्टार्सच्या लोकप्रियतेवर भाष्य करत गार्गी फुले पुढे म्हणाल्या, “आज लोक सोशल मीडियावरील कंटेंट मोफत पाहतात म्हणून त्याला मोठी लोकप्रियता मिळते. त्यासाठी पैसे मोजावे लागले तर किती जण तोच कंटेंट पाहतील, हा प्रश्न आहे. एका रील स्टारचा चित्रपट प्रदर्शित झाला होता, पण प्रेक्षकांनी त्याला प्रतिसाद दिला नाही आणि तो चित्रपट अपयशी ठरला. लोकप्रियता आणि अभिनय यामध्ये मोठा फरक आहे.” ( Gargi Phule)

त्या पुढे म्हणाल्या, “अभिनय ही शिकलेली आणि सातत्याने जोपासलेली कला आहे. वय कोणतेही असो, खरा कलाकार आपल्या कलेमुळे ओळखला जातो. सोशल मीडियावरील प्रसिद्धी तात्पुरती असू शकते, पण अभिनयाची कला कायम टिकून राहते.”  (Gargi Phule)

हेही वाचा : Tukaram Mundhe: ‘एक दिवसाचे मुख्यमंत्री झाला तर काय कराल?’ तुकाराम मुंढेंनी दिलं परखड उत्तर…