Reel Star Rohini Paradhye : मंगळवेढ्यातील प्रसिद्ध रील स्टार रोहिणी पाराध्ये हिच्या आत्महत्येप्रकरणी महत्त्वाची घडामोड समोर आली आहे. रोहिणीच्या वडिलांनी दिलेल्या फिर्यादीवरून तिचा पती निलेश विलास पाराध्ये याच्याविरोधात मंगळवेढा पोलिसांनी भारतीय न्याय संहिता (BNS) अंतर्गत विविध कलमांनुसार गुन्हा दाखल केला आहे. (Reel Star Rohini Paradhye)

गेल्या 26 मे रोजी ब्रह्मपुरी हद्दीतील एका हॉटेलमध्ये 25 वर्षीय रोहिणीने गळफास घेऊन आत्महत्या केली होती. या घटनेनंतर आत्महत्येमागील कारणांचा तपास सुरू होता. (Reel Star Rohini Paradhye)

एफआयआरमध्ये काय नमूद?   (Reel Star Rohini Paradhye)

रोहिणीचे वडील बाळू गिरजाप्पा शिवशरण यांनी दिलेल्या फिर्यादीनुसार, आरोपी पती निलेश पाराध्ये हा रोहिणीला वारंवार मानसिक आणि शारीरिक त्रास देत होता. तिच्यावर टोमणे मारणे, मारहाण करणे तसेच गंभीर परिणामांची धमकी देणे, असे आरोप फिर्यादीत करण्यात आले आहेत. या तक्रारीच्या आधारे पोलिसांनी BNS कलम 108, 115(2), 352 आणि 351(2) अंतर्गत गुन्हा नोंदवून पुढील तपास सुरू केला आहे. (Reel Star Rohini Paradhye)

या प्रकरणात आत्महत्येपूर्वी नेमके काय घडले, पती-पत्नीमध्ये कोणत्या कारणावरून वाद झाला आणि आत्महत्येस प्रवृत्त केल्याचा आरोप पुराव्यांवरून सिद्ध होतो का, याचा तपास पोलीस करत आहेत. यासाठी हॉटेल परिसरातील सीसीटीव्ही फुटेज, रोहिणीच्या मोबाईलमधील माहिती, कॉल डिटेल रेकॉर्ड (CDR) तसेच इतर तांत्रिक पुरावे तपासले जात आहेत. (Reel Star Rohini Paradhye)

रोहिणीच्या मृत्यूमागे पतीच्या कथित शारीरिक आणि मानसिक छळाचे आरोप फिर्यादीत करण्यात आले असले, तरी मृत्यूचे नेमके कारण आणि आरोपीची जबाबदारी अद्याप तपासातून व न्यायालयीन प्रक्रियेतच निश्चित होणे बाकी आहे. पोलिसांचा तपास सुरू असून त्यानंतरच या प्रकरणातील वस्तुस्थिती स्पष्ट होणार आहे. (Reel Star Rohini Paradhye)