RBI Action on Banks |  रिझर्व्ह बँक ऑफ इंडिया नियमांचे उल्लंघन करणाऱ्या बँकांवर थेट कारवाई करताना दिसते. यातच आता नियमांकडे दुर्लक्ष करणाऱ्या आणि मनमानीपणे कारभार करणाऱ्या देशातील आणखी दोन बँकांवर RBI कडून कारवाई करण्यात आली आहे. बुधवारी आरबीआयने जारी केलेल्या निवेदनानुसार, एचडीएफसी बँक आणि पंजाब अँड सिंध बँकेला नियमांचे पालन न केल्याबद्दल मोठा दंड ठोठावला आहे.

एचडीएफसी बँक

केंद्रीय बँकेने एका निवेदनात म्हटले आहे की, एचडीएफसी बँकेला ‘नो युवर कस्टमर’ (केवायसी) वरील आरबीआयच्या काही सूचनांचे पालन न केल्याबद्दल 75 लाख रुपये दंड ठोठावण्यात आला आहे. तसेच बँकेला आपली कार्यरत शैली सुधारण्याचा इशारा देण्यात आला आहे.

पंजाब आणि सिंध बँक

पंजाब आणि सिंध बँकेवरही अशीच कारवाई केली गेली आहे. आरबीआयच्या म्हणण्यानुसार, पंजाब आणि सिंध बँकेला एकूण 68.20 लाख रुपये दंड ठोठावण्यात आला आहे. बँकांमध्ये प्रमुख सामान्य जोखमींचे केंद्रीय भांडवल तयार करणे आणि वित्तीय समावेश – बँकिंग सेवांमध्ये प्रवेश – मूलभूत बचत बँक ठेव खाते (BSBDA) यावरील काही निर्देशांचे पालन न केल्याबद्दल पंजाब अँड सिंध बँकेला दंड ठोठावण्यात आला आहे. RBI Action on Banks |

याशिवाय, बँकेने काही ग्राहकांना एकच ओळख क्रमांक (युनिक कस्टमर आयडेंटिफिकेशन कोड) देण्याऐवजी अनेक ग्राहक आयडी (UCIC) जारी केले होते, जे आरबीआयच्या नियमांविरुद्ध आहे. बँकेच्या आर्थिक स्थितीचा आढावा घेतल्यानंतर आरबीआयने दंड ठोठावला. त्याचप्रमाणे लाभांश घोषणेशी संबंधित आवश्यकतांचे पालन न केल्याबद्दल रिझर्व्ह बँकेने केएलएम एक्झिवा फिनवेस्टला 10 लाख रुपयांचा दंड भरण्यास सांगितले आहे. RBI Action on Banks |

ग्राहकांच्या पैशांचे काय? 

रिझर्व्ह बँकेच्या या बँकांविरुद्ध कारवाईनंतर बँकेच्या ग्राहकांना घाबरण्याची गरज नाही. हा दंड नियामक त्रुटींवर आधारित असून बँकेने त्याच्या ग्राहकांसोबत केलेल्या कोणत्याही व्यवहारांवर अथवा करारावर याचा परिणाम होणार नसल्याचे आरबीआयने म्हटले आहे.

हेही वाचा:  

Sushma Andhare : सुषमा अंधारे अन् कुणाल कामराविरुद्ध हक्कभंग; अंधारेंची पहिली प्रतिक्रिया म्हणाल्या…”मी सभागृहात 56 जण…”