बडनेरा : बडनेऱ्याचे आमदार रवी राणा आणि शिवसेना जिल्हाप्रमुख दिनेश बूब यांच्यात हाणामारी झाली. आमदार रवी राणा आणि शिवसेना जिल्हाप्रमुख दिनेश बूब यांच्यात शाब्दीक वाद झाला. या वादातं रूपांतर पाहता पाहता हाणामारीत झालं. यामुळे परिसरात गोंधळ आणि तणावाचे वातावरण निर्माण झाले होते.

वृद्धाश्रमात छोटेखाणी कार्यक्रम आमदार रवी राणा यांच्याकडून आयोजित करण्यात आला होता. आमदार राणा तिथे पोहचल्यावर शिवसेनेचे जिल्हाध्यक्ष दिनेश बुब यांचाही तिथेच कार्यक्रम सुरु होता. आमदार रवी राणा आणि दिनेश बुब यांच्या काही कारणावरुन बाचाबाची झाली आणि त्याचं रुपांतर हाणामारीत झालं. या सर्व प्रकाराचा व्हिडीओही समोर आला आहे.

बडनेऱ्यातल्या वृद्धाश्रमात दिवाळीनिमित्त झालेल्या कार्यक्रमात हे दोघे एकत्र आले होते. त्यावेळी यांच्यामध्ये सुरुवातीस शाब्दीक बाचाबाची झाली. याचे रुपांतर हाणामारीत झाले. खासदार नवनीत राणा यांना दिनेश बुब यांनी शिवीगाळ केल्याचा आरोप आमदार राणा यांनी केला आहे.

दरम्यान, निवडणूक प्रचारादरम्यान शिवसेनेचे जिल्हा प्रमुख दिनेश बुब यांनी राणा यांना शिवीगाळ केल्याचे म्हटले जात आहे. याच कारणामुळे हा वाद सुरू झाल्याचे सांगण्यात येत आहे.