Rashmika Mandanna Mysaa Teaser: अभिनेत्री रश्मिका मंदाना सध्या तिच्या आगामी ‘मैसा’ या चित्रपटामुळे चर्चेत आहे. या चित्रपटात रश्मिका एका वेगळ्याच आणि दमदार भूमिकेत दिसणार आहे. नुकतेच चित्रपटातील अखेरच्या युद्धाच्या दृश्याची झलक निर्मात्यांनी सोशल मीडियावर शेअर केली आहे. या व्हिडीओमध्ये रश्मिकाचा आक्रमक अवतार आणि चित्रपटातील अ‍ॅक्शनची झलक पाहायला मिळत आहे. त्यामुळे चित्रपटाबद्दल प्रेक्षकांची उत्सुकता आणखी वाढली आहे.

निर्मात्यांनी या व्हिडीओसोबत ‘द फायनल वॉर मैसा’ असे लिहिले आहे. या छोट्याशा व्हिडीओमध्ये चित्रपटातील मोठ्या युद्धाची झलक दाखवण्यात आली आहे. रश्मिकाचा राग, तिच्या चेहऱ्यावरील भाव आणि अ‍ॅक्शनमधील तिची ऊर्जा यामुळे हा व्हिडीओ लक्ष वेधून घेत आहे.

‘मैसा’मध्ये रश्मिका एका वेगळ्या भूमिकेत दिसणार आहे. यापूर्वी तिने साकारलेल्या भूमिकांपेक्षा या चित्रपटातील तिची भूमिका वेगळी असल्याचे सांगितले जात आहे. चित्रपटाच्या टीझरमध्येही तिच्या आक्रमक आणि संतापलेल्या रूपाची झलक पाहायला मिळाली होती. आता अखेरच्या युद्धाच्या दृश्यामुळे चित्रपटातील अ‍ॅक्शन किती मोठ्या स्तरावर असणार आहे, याची उत्सुकता वाढली आहे. चित्रपटाच्या संगीताची जबाबदारी प्रसिद्ध संगीतकार जॅक्स बिजॉय यांनी सांभाळली आहे. टीझरमधील संगीतामुळे त्यातील अ‍ॅक्शन आणि थरार अधिक प्रभावी झाल्याचे पाहायला मिळते.

 

View this post on Instagram

 

२७ नोव्हेंबरला चित्रपटगृहात होणार प्रदर्शित

‘अनफॉर्मुला फिल्म्स’च्या बॅनरखाली ‘मैसा’ या चित्रपटाची निर्मिती करण्यात आली आहे. हा चित्रपट इमोशनल अ‍ॅक्शन थ्रिलर प्रकारातील आहे. रश्मिका मंदाना या चित्रपटात मुख्य भूमिकेत दिसणार आहे. हा चित्रपट पॅन-इंडिया स्तरावर प्रदर्शित करण्याची तयारी निर्मात्यांनी केली आहे. त्यामुळे विविध भाषांमधील प्रेक्षकांपर्यंत चित्रपट पोहोचणार आहे. चित्रपटातील रश्मिकाचा वेगळा अवतार, वडील-मुलीच्या नात्याची भावनिक कथा आणि मोठ्या स्तरावरील अ‍ॅक्शन ही त्याची प्रमुख वैशिष्ट्ये असणार आहेत.

‘मैसा’ हा चित्रपट २७ नोव्हेंबर २०२६ रोजी चित्रपटगृहांमध्ये प्रदर्शित होणार आहे. त्यामुळे रश्मिकाला एका वेगळ्या भूमिकेत पाहण्यासाठी तिचे चाहते उत्सुक आहेत. आता चित्रपट प्रदर्शित झाल्यानंतर तिच्या या नव्या भूमिकेला प्रेक्षकांचा कसा प्रतिसाद मिळतो, हे पाहणे महत्त्वाचे ठरणार आहे.