Rashmika Mandanna: अभिनेत्री रश्मिका मंदानाला काही दिवसांपूर्वी शूटिंगदरम्यान दुखापत झाली होती. या अपघातानंतर रश्मिकाने स्वतः सोशल मीडियावर पोस्ट करत तिच्या प्रकृतीबाबत माहिती दिली होती.

ज्यात तिने ‘मैसा’ चित्रपटासाठी डान्स सीनदरम्यान शूटिंग सुरू असताना तिच्या उजव्या कंबरेजवळील एक टेंडन दुखावला आणि तो आपल्या जागेवरून निसटला. त्यामुळे तिला पाय उचलणे आणि चालणेही कठीण झाल्याचे सांगितले होते.

दीड महिने तिला बेड रेस्टचा सल्ला डॉक्टरांनी दिला होता. सध्या ती घरी विश्रांती घेत आहे. मात्र सिनेमापासून तिने काही काळ शूटिंगमधून ब्रेक घेतला असला तरी, ती सोशल मिडियायाद्वारे चाहत्यांच्या संपर्कात राहते.

अलिकडेच अभिनेत्रीने एक पोस्ट शेअर केली आहे. आपल्या पोस्टमधून रश्मिकाने तिच्या कुटुंबासोबत, पाळीव प्राणी ऑरा आणि पती विजय देवराकोंडासोबत घालवलेल्या दिवसांची झलक चाहत्यांसोबत शेअर केली.

 

View this post on Instagram

 

रश्मिका बेड रेस्टवर असून ती सध्या आपल्या फॅमिलीसोबत क्वालिटी टाइम स्पेंड करत आहे. रश्मिकाने इन्स्टाग्रामवर, आपल्या कुटुंबासोबतचा फॅमिली टाइम, पाळीव प्राणी आणि काही स्वत:चे ओव्हरसाईज टी-शर्ट घालून आणि चष्मा घालून पोज दिलेले फोटो शेअर केले आहेत. यावेळी तिने दाखवलेल्या तिच्या मंगळसुत्राच्या डिझाईनकडे अनेकांचे लक्ष वेधले आहे.

Rashmika Mandanna & Vijay Deverakonda

कदाचित हेच आयुष्य

तिने आपल्या पोस्टला कॅप्शन देत लिहिले की, ‘ही एक आश्चर्यकारक गोष्ट आहे की, जेव्हा तुम्ही दिवसभर धावपळ करता, तेव्हा स्पीड कमी करणे ही दुसरी बाजू भीतीदायक वाटू लागते. पण तुम्हाला जेव्हा गती कमी करण्यास भाग पाडले जाते, तेव्हा वेड्यासारखी धावपळ करणे भीतीदायक वाटू शकते.

कदाचित हेच आयुष्य आहे. प्रचंड प्रेम, सकारात्मकता, प्रार्थना आणि कृतज्ञतेच्या वातावरणात वेढली गेली आहे’, असं रश्मिका मंदाना म्हणाली. रश्मिकाची पोस्ट सध्या सोशल मीडियात व्हायरल होत असून, नेटकऱ्यांनी तिच्या प्रकृतीविषयी विचारपूस केली आहे.

हेही वाचा: 

Tukaram Mundhe : तुकाराम मुंढेंच्या 4 सिक्रेट टिप्स नक्की लक्षात ठेवा, हॉस्पिटलमध्ये जायची वेळच येणार नाही; दुर्लक्ष केलं तर होईल गंभीर परिणाम