‘अश्लील व्हिडीओ करुन वर्षभर अत्याचार, शरद पवारांची भीती दाखवत धमकावले’; राष्ट्रवादीचा आणखी एक नेता अडचणीत
पुणे – सामाजिक कल्याण मंत्री धनंजय मुंडे, राष्ट्रवादी युवक काँग्रेसचे प्रदेशाध्यक्ष मेहबूब शेख यासारख्या राष्ट्रवादी काँग्रेस पक्षाच्या नेत्यांवर लैंगिक अत्याचाराचे आरोप झाले असतानाच राष्ट्रवादीचा आणखी एक नेता अडचणीत सापडला आहे. राष्ट्रवादी काँग्रेसचे नेते राजेश विटेकर यांच्यावर एका महिलेने लैंगिक अत्याचाराचा आरोप केला आहे. अश्लील व्हिडीओ तयार करुन माझ्यावर वर्षभर अत्याचार केले. तर राजेश विटेकर यांनी शरद पवार यांची भीती दाखवून धमकवल्याचा दावाही पीडित महिलेले केला आहे.
पीडित महिलेने आज पुण्यात भूमाता ब्रिगेडच्या अध्यक्षा तृप्ती देसाई यांच्यासह पत्रकार परिषद घेऊन राजेश विटेकर यांच्यावर आरोप केले आहेत. यामुळे महाविकास आघाडी सरकारच्या अडचणीत आणखी भर पडण्याची शक्यता आहे.
पीडित महिला म्हणाली कि, माझे अश्लील व्हिडीओ तयार करुन वर्षभर अत्याचार करण्यात आले. मी याविरोधात तक्रार केली होती. माझ्याकडे सर्व पुरावेही आहेत. पण मला केवळ तपास सुरु असल्याचे सांगितले जाते. राजेश विटेकर यांनी शरद पवार यांच्या पाठबळामुळे माझ्यावर गुन्हा दाखलच होणार नाही, असे सांगितले आहे.
