Ranveer Allahabadia ।  युट्यूबर रणवीर अलाहाबादियाने दाखल केलेल्या याचिकेवर सर्वोच्च न्यायालयाने सुनावणी केली. दरम्यान, सर्वोच्च न्यायालयाने त्यांना चांगलंच फटकारले आहे.  न्यायालयाने रणवीरला अटकेपासून दिलासा दिला आहे. मात्र दिलासा देत असताना न्यायालयाने अलाहाबादियाला चांगलेच झापले आहे.

युट्यूब शो इंडियाज गॉट लेटेंटमध्ये वादग्रस्त वक्तव्य केल्याप्रकरणी पॉडकास्टर रणवीर अलाहबादियावर गुन्हा दाखल झाला आहे. त्याच्याविरोधात अनेक याचिकाही दाखल झाल्या आहेत. या याचिकांविरोधात त्याने सर्वोच्च न्यायालयात धाव घेतली असून आज याप्रकरणी सर्वोच्च न्यायालयात सुनावणी झाली. पहिल्याच सुनावणीत सर्वोच्च न्यायालयाने रणवीरला अभिव्यक्ती स्वातंत्र्यावरून खडेबोल सुनावले आहेत .

” ही अश्लीलता नाही तर ते काय आहे? ” Ranveer Allahabadia । 

सुनावणीदरम्यान, सर्वोच्च न्यायालयाने रणवीर अलाहबादिया यांना विचारले की, ‘फक्त तुम्ही प्रसिद्ध झाला आहात म्हणून तुम्हाला काहीही बोलण्याचा परवाना आहे का?’ पालकांबद्दल अश्लील गोष्टी बोलल्या. यावरून असे दिसून येते की त्यांच्या मनात काहीतरी घाण आहे. यावेळी रणवीर अलाहबादिया यांचे वकील अभिनव चंद्रचूड यांनी यांनी, याचिकाकर्त्याला धमक्या येत असल्याची माहिती दिली.

याचिकाकर्त्याच्या युक्तिवादावर न्यायालयाने म्हटले की, “या व्यक्तीला बातम्यांमध्ये राहण्याची आवड आहे. धमकी जाहीर करणाऱ्या व्यक्तीलाही कदाचित असाच छंद असेल” असे म्हणत फटकारले आहे. सुनावणीत पुढे न्यायालयाने, रणवीर अलाहबादियाने जे काही म्हटले आहे, त्याचे पालक आणि बहिणी सर्वांना त्याची लाज वाटेल असेच आहे. न्यायालयाने रणवीर अलाहबादियाच्या अटकेवर बंदी घातली आहे.

न्यायालयाने , ‘आम्ही नोटीस बजावत आहोत. सध्या ठाणे, जयपूर आणि गुवाहाटी याठिकाणी नोंदवलेल्या एफआयआरमध्ये अटक करण्यास बंदी आहे. तपासात पूर्ण सहकार्य करा. तपास अधिकाऱ्याने बोलावल्यावर हजर राहा. या प्रकरणाबाबत इतर कुठेही एफआयआर नोंदवू नये” असे आदेश सर्वोच्च न्यायालयाने यावेळी दिले आहेत. या आदेशाने अलाहबादियाला तूर्तास तरी दिलासा मिळाला आहे.

पासपोर्ट जमा करण्याचे आदेश  Ranveer Allahabadia । 

न्यायालयाने पुढे “जर याचिकाकर्त्याला त्याच्या जीवाला धोका वाटत असेल तर तो पोलिसांची मदत घेऊ शकतो. एवढेच नाही तर रणवीरला त्याचा पासपोर्ट ठाणे पोलिस ठाण्यात जमा करावा लागेल, असेही न्यायालयाने म्हटले आहे. इंडियाज गॉट लॅटेंटच्या या शोमध्ये रणवीर इलाहाबादियासोबत, समय रैना, आशिष चंचलानी, अपूर्वा मखीजा हे देखील उपस्थित होते. त्याच्यावर गुन्हेही दाखल झाले आहेत. त्यासोबतच शोचे सर्व भाग YouTube वरून काढून टाकण्यात आले आहेत.