मुंबई – अभिनेता रणबीर कपूर (Ranbir Kapoor) सध्या त्याच्या आगामी ‘अॅनिमल’ (Animal Movie) चित्रपटामुळे चर्चेत आहे. अभिनेत्याचा हा चित्रपट पाहण्यासाठी चाहतेही खूप उत्सुक आहेत, मात्र चित्रपट प्रदर्शित होण्यापूर्वीच रणबीर कपूरला ईडीकडून समन्स प्राप्त झाले आहे. ईडीने अभिनेत्याला ६ ऑक्टोबरला चौकशीसाठी बोलावले आहे.रणबीरला ईडीने समन्स बजावल्यानंतर या वृत्ताची बॉलिवूडसह संपूर्ण राजकीय वर्तुळात देखील चर्चा सुरु झाली आहे. ‘महादेव बुक’ (mahadev book) ऑनलाइन बेटिंग ऍप प्रकरणात रणबीर कपूरच्या अडचणी वाढू शकतात. अंमलबजावणी संचालनालयाने (ED) अभिनेत्याला चौकशीसाठी समन्स बजावले आहे. ईडीने कोलकाता, भोपाळ, मुंबईसह 39 शहरांमध्ये महादेव या ऑनलाईन ऍपशी जोडलेल्या मनी लॉन्ड्रिंग नेटवर्कच्या विरोधात ही कारवाई केली होती. सट्टेबाजीचा पैसा शेअर बाजारात वापरल्याचेही ईडीच्या तपासात उघड झाले आहे. इतकंच नाही तर या प्रकरणाशी 14 फिल्म स्टार्सचीही नावे जोडली गेली आहेत. सौरभ चंद्राकर आणि रवी उप्पल यांच्या लग्नाच्या पार्टीत या चित्रपट कलाकारांनी परफॉर्म केले होते. प्रमोटरच्या लग्नात परफॉर्म करण्यासाठी ऍपच्या प्रवर्तकांकडून पैसे घेतल्याचा आरोप अभिनेत्यावर आहे. (Ranbir kapoor ED) प्रकरण ऑनलाइन गेमिंगशी संबंधित आहे या सगळ्यात रणबीर कपूरला ईडीच्या समन्सने बी-टाऊनमध्ये खळबळ उडाली आहे. अंमलबजावणी संचालनालयाने (ईडी) बुधवारी बॉलिवूड अभिनेता रणबीर कपूरला समन्स बजावले आहे. त्याला ६ ऑक्टोबर रोजी चौकशीसाठी बोलावण्यात आले आहे. हे संपूर्ण प्रकरण ‘महादेव बुक ऑनलाइन लॉटरी’शी संबंधित मनी लॉन्ड्रिंग प्रकरणाशी संबंधित आहे. या ऑनलाइन बेटिंग ऍपमुळे 17 बॉलिवूड स्टार ईडीच्या रडारवर आहेत. या दिवशी ईडी अभिनेत्याची चौकशी करणार आहे बेकायदेशीर सट्टेबाजीच्या या प्रकरणात ईडीने आता मोठे पाऊल उचलले असून सेलिब्रिटींना समन्स पाठवण्यास सुरुवात केली आहे. जिथे पहिले नाव रणबीर कपूरचे आहे. या चौकशीत, ईडी अभिनेत्याला लग्नाला उपस्थित राहणे, परफॉर्म करणे, पेमेंट इत्यादींपासून इतर प्रश्न विचारू शकते.
