बॅालीवूडची क्यूट कपल जोडी रणबीर कपूर आणि आलिया भट्ट नेहमीच चर्चेत असते. अलीकडेच हे कपल दिग्दर्शक संजय लीला भन्साळी यांच्या वाढदिवसाच्या पार्टीत दिसले. या पार्टीत जात असताना रणबीर-आलियाचा एक व्हिडिओ सोशल मीडियावर व्हायरल होत आहे. या व्हिडिओत रणबीर आपल्या पत्नीचे संरक्षण करताना दिसत आहे. दिग्दर्शक संजय लीला भन्साळी यांच्या वाढदिवसाच्या सेलिब्रेशनमध्ये पार्टीत रणबीर आणि आलियाला कॅमेऱ्यांनी स्पॅाट केले.

या व्हायरल झालेल्या व्हिडिओमध्ये रणबीर पत्नी आलियाला चाहत्यांपासून वाचवताना घेऊन जाताना दिसत आहे. आलिया आणि रणबीर पार्टीसाठी पोहोचले तेव्हा एका चाहत्याने आलियाचा हात धरून सेल्फी घेण्याचा प्रयत्न केला. पण चाहत्याची ही कृती रणबीरला फारशी आवडली नाही. यानंतर हा आलियाला रणबीरने तिधून घेऊन गेला.

नेमकं काय घडलं?

रणबीर आणि आलिया गाडीतून उतरून पार्टीच्या दिशेने जाताना एका महिला चाहत्याने आलिया भट्टचा हात धरला आणि सेल्फी घेण्याचा प्रयत्न केला. पण या कृतीनंतर रणबीरने स्वत: आलियाला चाहत्यांच्या गर्दीपासून सुरक्षितपणे दूर नेले. त्यानंतर त्याने सर्वांना शांतपणे आणि आरामात फोटो काढण्यास सांगितले. रणबीरची ही कृती अत्यंत बोलकी होती.

रणबीर कपूरची ही कृती पाहून चाहते खूप खुश झाले. आलिया भट्ट तिच्या पतीकडे फक्त प्रेमळ नजरेने पाहत होती. आलियाच्या चेहऱ्यावर एक मोठं हसू दिसत होतं, जे पाहून ती रणबीरच्या कृतीवर ती खूप खूश असल्याचे स्पष्ट दिसत होतं. सोशल मीडिया यूजर्सनाही महिला फॅन्सची कृती आवडलेली नाही. या व्हिडिओवर अनेकांनी कमेंट्स केल्या आहेत.

लव्ह अॅन्ड वॅारमध्ये दिसणार एकत्र

एका यूजरने लिहिले की, हा आलियाचा पर्सनल बॉडीगार्ड आहे. त्याच वेळी, काही वापरकर्ते म्हणतात की लोकांमध्ये शिष्टाचार नाहीत. एकाने लिहिले माणसाने वागायला शिकले पाहिजे. रणबीर कपूर आणि आलिया भट्ट पुन्हा एकदा मोठ्या पडद्यावर एकत्रित स्क्रीन शेअर करताना दिसणार आहेत. संजय लीला भन्साळी यांच्या आगामी ‘लव्ह अँड वॉर’ या चित्रपटात दोघेही एकत्र दिसणार आहेत. या चित्रपटात विकी कौशल मुख्य भूमिकेत दिसणार आहे.