Ramdas Athawale : केंद्रीय मंत्रिमंडळात लवकरच फेरबदल होऊ शकतो आणि सरकारमध्ये भाजप तसेच मित्रपक्ष राष्ट्रवादी काँग्रेसमधील नव्या चेहऱ्यांना स्थान मिळण्याची शक्यता आहे, असा दावा केंद्रीय मंत्री आणि आरपीआय(ए)चे प्रमुख रामदास आठवले (Ramdas Athawale) यांनी सोमवारी केला.

पत्रकारांशी बोलताना आठवले म्हणाले, विकासाचे प्रयत्न अधिक मजबूत करण्यासाठी शरद पवार यांच्या नेतृत्वाखालील राष्ट्रवादी काँग्रेस (शप) पक्षाने वैचारिक मतभेद दूर करून सत्ताधारी एनडीएमध्ये सामील झाले पाहिजे.

भाजपच्या (Ramdas Athawale) संघटनेतील बदलांनंतर लवकरच केंद्रीय मंत्रिमंडळात फेरफार होऊ शकतो आणि भाजप तसेच मित्रपक्ष राष्ट्रवादी काँग्रेसमधून नव्या चेहऱ्यांना स्थान मिळण्याची शक्यता आहे.

जर पवार यांनी एनडीएमध्ये सामील होण्यास नकार दिला, तर विरोधी पक्षाच्या आठ खासदारांनी त्यात सामील व्हावे. वैचारिक मतभेद असू शकतात, पण त्यांनी राष्ट्रवादीने (शप) एनडीएमध्ये सामील व्हायलाच हवे. त्यांनी स्वतःचे आणि माजी संरक्षण मंत्री जॉर्ज फर्नांडिस, नितीश कुमार, शरद यादव, ममता बॅनर्जी आणि नवीन पटनायक यांच्यासह एनडीएच्या माजी मित्रपक्षांचे उदाहरण दिले.

तसेच, डॉ. बाबासाहेब आंबेडकरांचे स्वप्न पूर्ण करण्यासाठी, समाज आणि पक्षाला मजबूत करण्यासाठी कॉकरोच जनता पक्षाचे (सीजेपी) संस्थापक अभिजीत दीपके यांनी आरपीआय (ए) मध्ये सामील झाले पाहिजे. आरक्षण हा एक घटनात्मक अधिकार असून सरकारने आरक्षण (Ramdas Athawale) रद्द करण्याची मागणी करणाऱ्यांवर कठोर कारवाई करावी, असे सांगत त्यांनी काही गटांकडून होणाऱ्या आरक्षण रद्द करण्याच्या मागणीवरही चिंता व्यक्त केली.