Ram mandir donation:  राम मंदिराच्या देणगी वादासंदर्भात दाखल केलेल्या याचिकेवर सर्वोच्च न्यायालयाने तातडीची सुनावणी घेण्यास नकार दिला आहे. सर्वोच्च न्यायालयाने याचिकाकर्त्यांच्या वकिलांना २९ जून रोजी या प्रकरणाचा उल्लेख करण्याचे निर्देश दिले आहेत. या याचिकेत श्री राम जन्मभूमी तीर्थ क्षेत्र ट्रस्टमधील कथित आर्थिक अनियमिततेची न्यायालयाच्या देखरेखीखाली चौकशी करण्याची मागणी करण्यात आली आहे.

याचिकाकर्त्यांनी, प्रकरणाचे गांभीर्य लक्षात घेऊन, तातडीने आदेश देणे आवश्यक असल्याचे सांगत लवकर सुनावणीची मागणी केली. न्यायमूर्ती बी. व्ही. नागरत्न यांनी त्यांना सोमवारी पुन्हा लवकर सुनावणीची मागणी करण्याचे निर्देश दिले.

राम मंदिराच्या देणगी वादाची चौकशी करण्याची मागणी करणारी एक जनहित याचिका सर्वोच्च न्यायालयात दाखल करण्यात आली आहे. या याचिकेत प्रथम आरोपींविरुद्ध एफआयआर नोंदवून सीबीआयच्या नेतृत्वाखाली विशेष तपास पथकाद्वारे (SIT) चौकशी करण्याची मागणी करण्यात आली आहे. Ram mandir donation: 

अजय कुमार राय आणि दिनेश कुमार यादव या दोन वकिलांनी दाखल केलेल्या या याचिकेत, श्री राम जन्मभूमी ट्रस्टमधील आर्थिक अनियमिततेच्या आरोपांबाबत एफआयआर नोंदवण्याची, सीबीआयच्या नेतृत्वाखाली विशेष तपास पथक (SIT) स्थापन करण्याची आणि निष्पक्ष व वेळेवर चौकशी करण्याची मागणी करण्यात आली आहे. जेणेकरून हे प्रकरण उघडकीस येईल आणि या अपहार व भ्रष्टाचारामागे कोण आहे हे समोर येईल.

या याचिकेत असेही म्हटले आहे की, न्यायालयाने राम जन्मभूमी ट्रस्ट आणि उत्तर प्रदेश सरकारला ट्रस्टच्या निधी आणि मालमत्तेवर देखरेख ठेवण्यासाठी एक मजबूत लेखापरीक्षण आणि तपास यंत्रणा स्थापन करण्याचे निर्देश द्यावेत, जेणेकरून भविष्यात अशा तक्रारी उद्भवणार नाहीत.

याचिकाकर्त्यांनी मागणी केली आहे की, तपास पूर्ण होईपर्यंत बँक खाती, देणगी नोंदवही, लेखापरीक्षण अहवाल, सीसीटीव्ही फुटेज आणि संगणक डेटा यांसारख्या सर्व नोंदी जतन करण्याचे निर्देश उत्तर प्रदेश सरकार आणि ट्रस्टला द्यावेत. शिवाय, कोणत्याही नोंदींमध्ये फेरफार करू नये किंवा त्या नष्ट करू नयेत. Ram mandir donation: 

लोकसभेतील विरोधी पक्षनेते राहुल गांधी यांनी मध्य प्रदेश उच्च न्यायालयात एक अर्ज दाखल केला. या अर्जात, राहुल गांधी यांनी केंद्रीय मंत्री शिवराज सिंह चौहान यांचे पुत्र कार्तिकेय सिंह यांच्याबद्दल कथितपणे अपमानजनक वक्तव्ये केल्याबद्दल खेद व्यक्त केला आहे.