Ram Gopal Varma : दिग्दर्शक राम गोपाल वर्मा यांचा सरकार चित्रपट सुपरहिट ठरला होता. या चित्रपटात अमिताभ बच्चन यांनी प्रमुख भूमिका साकारली होती. सध्या राम गोपाल वर्मा आणि बिग बी अमिताभ बच्चन यांचा एक फोटो व्हायरल होत आहे. यानंतर सरकार 4 चित्रपट येणार असल्याची चर्चा रंगू लागली आहे.
राम गोपाल वर्माने एक फोटो शेअर केला ज्यामध्ये ते अमिताभ बच्चन यांच्या शेजारी उभे असल्याचे दिसत आहे. आता राम गोपाल वर्मा हे पुन्हा एकदा बिग बी यांच्या सोबत सरकारच्या तयारीत असल्याच्या प्रतिक्रिया समोर आल्या आहेत. यापूर्वी सरकार या चित्रपटाचे तीन भाग प्रदर्शित झाले असून त्याला नेटकऱ्यांचा मोठा प्रतिसाद मिळाला होता. त्यानंतर आता सरकार 4 बाबत प्रेक्षक देखील उत्सुक आहेत. मात्र अद्याप या चित्रपटाबाबत अधिकृतरित्या कोणतीच घोषणा करण्यात आलेली नाही.
SHIVA ing with @SrBachchan at RGV DEN 🔥🔥🔥 pic.twitter.com/RIKwFeh7fK
— Ram Gopal Varma (@RGVzoomin) February 28, 2024
परंतु सोशल मीडियावर व्हायरल होत असलेल्या फोटोवरून वेगळाच अंदाज बांधला जात आहे.अमिताभ बच्चनच्या वर्क फ्रंटबद्दल बोलायचे झाले तर, अभिनेता लवकरच प्रभास आणि दीपिका पदुकोणसोबत कल्की 2898 एडीमध्ये दिसणार आहे. चित्रपटात कमल हसन आणि दिशा पटानी यांच्याही महत्त्वाच्या भूमिका आहेत. कल्की 2898 एडी व्यतिरिक्त ते सेक्शन 84 आणि गणपथमध्ये टायगर श्रॉफसोबत दिसणार आहे. द इंटर्नच्या हिंदी रिमेकमध्येही अमिताभ दिसणार आहे. त्यामुळे सध्या अमिताभ बच्चन यांच्याकडे मोठे चित्रपट असल्याचे दिसत आहे.