Rakesh Roshan’s Khandala Mansion: बॉलिवूडमधील लोकप्रिय दिग्दर्शक आणि अभिनेता हृतिक रोशन यांचे वडील राकेश रोशन सध्या चर्चेत आहेत ते त्यांच्या नव्या स्वप्नातील बंगल्यामुळे. नुकत्याच दिलेल्या मुलाखतीत त्यांनी त्यांच्या या आलिशान बंगल्याची सफर घडवली असून, त्याची किंमत तब्बल १२० कोटी रुपये असल्याचं त्यांनी सांगितलं.

राकेश रोशन यांनी दिग्दर्शिका फराह खानला दिलेल्या मुलाखतीत सांगितलं की,

“माझा जन्म गॅरेजमध्ये झाला होता, त्यामुळे लहानपणापासून माझं एकच स्वप्न होतं… मोठं घर घ्यायचं!”
आज ते स्वप्न खंडाळा येथील ५ एकरवर पसरलेल्या, २२,४९९ स्क्वेअर फुटाच्या आलिशान बंगल्यात पूर्ण झालं आहे.

निसर्गाच्या सान्निध्यात आलिशान बंगला

खंडाळ्यातील हिरव्यागार डोंगरदऱ्यांमध्ये वसलेला हा बंगला निसर्गरम्य वातावरणासाठी ओळखला जातो. बंगल्याच्या मुख्य प्रवेशद्वाराजवळ मोठा स्वीमिंग पूल आणि सुंदर गार्डन आहे. बंगल्यातील प्रत्येक कोपरा शाही ठाटात सजवलेला असून त्यात झाडं आणि शोभेच्या वस्तूंची मांडणी आकर्षक आहे.

आधुनिक सुविधांनी परिपूर्ण

बंगल्यात मोठं गॅरेज असून रोशन कुटुंबातील सदस्यांच्या गाड्यांसाठी विशेष पार्किंगची सोय आहे. घरातील खोल्या प्रचंड मोठ्या असून त्यात लांबलचक बाल्कनी, काचेच्या खिडक्या, महागडी पेंटिंग्ज आणि आकर्षक फर्निचर ठेवलेलं आहे.

विशेष म्हणजे, येथील बाथरूम्स बेडरूमसारख्या मोठ्या आहेत. यावर फराह खानने आश्चर्य व्यक्त करत म्हटलं,
“हे कोणाचं तरी बेडरूम असू शकतं; मुंबईत बेडरूमही यापेक्षा लहान असतात.”

स्वतःचं वेगळेपण जपणारा बंगला

राकेश रोशन यांनी या घराचं डिझाईन करताना प्रत्येक खोलीचं वेगळेपण टिकून राहील, याची विशेष काळजी घेतली आहे. खिडक्या, फर्निचर आणि सजावटीच्या प्रत्येक वस्तू भारतीय बनावटीच्या असल्याचं त्यांनी सांगितलं.

राकेश रोशन यांच्या या नव्या आलिशान बंगल्यामुळे त्यांचं जुनं स्वप्न पूर्ण झालं असून, खंडाळ्यातील या ‘ड्रीम मॅन्शन’ची सोशल मीडियावर जोरदार चर्चा सुरू आहे.