Rajkumar Hirani : दिग्दर्शक राजकुमार हिरानी  (Rajkumar Hirani)  आता ओटीटी विश्वात पदार्पण करत आहेत. अविनाश अरुण दिग्दर्शित ‘प्रीतम अँड पेड्रो’ या आगामी वेबसीरिजची त्यांनी निर्मिती केली आहे.

या सीरिजचा ट्रेलर नुकताच प्रेक्षकांच्या भेटीस आला असून, त्याने प्रेक्षकांची उत्सुकता कमालीची वाढवली आहे. या सीरिजमध्ये सस्पेन्स, कॉमेडी आणि ड्रामाचे असे सर्व एकत्र पाहायला मिळणार आहे.

ट्रेलर लॉन्चच्या वेळी राजकुमार हिरानी यांनी सांगितले की, ‘प्रीतम अँड पेड्रो’ची कथा सर्वात जास्त यासाठी आवडली, कारण यात दोन पूर्णपणे वेगवेगळ्या विचारसरणीच्या पात्रांमधील नाते अतिशय खास पद्धतीने दाखवण्यात आले आहे.

या सीरिजची कथा गोव्याच्या पार्श्वभूमीवर आधारित आहे. कथेत एका बाजूला प्रीतम (वीर हिरानी) आहे, जो पूर्णपणे नवीन तंत्रज्ञानावर अवलंबून आहे. प्रीतम हा जेनझी युगातला हॅकर आहे. तर दुसऱ्या बाजूला पेड्रो (अर्शद वारसी) क्राइम ब्रांच पोलिस अधिकारी आहे.  (Rajkumar Hirani)

 

View this post on Instagram

 

जो जुन्या पद्धतीने काम करणारा आहे. या दोघांचे विचार आणि काम करण्याच्या पद्धतीत खूप फरक आहे. पेड्रोची अचानक क्राइम ब्रांचमधून सायबर क्राइममध्ये बदली होते. तेव्हा प्रीतम आणि पेड्रो एक केस सोडवण्यासाठी एकत्र येतात आणि इथूनच खरा खेळ सुरू होतो.  (Rajkumar Hirani)

Rajkumar Hirani : राजकुमार हिरानींचे OTTवर पदार्पण; ‘प्रीतम अँड पेड्रो’ची जोडी करणार धमाल

या सीरिजची निर्मिती राजकुमार हिरानी यांनी केली असून, याचे दिग्दर्शन अविनाश अरुण यांनी केले आहे. सीरिजमध्ये अर्शद वारसी, विक्रांत मॅसी, वीर हिरानी, मोना सिंग आणि बोमन इराणी यांसारखे दमदार कलाकार मुख्य भूमिकेत दिसणार आहेत. विक्रांत मेस्सी सीरिजमध्ये खलनायकाच्या भूमिकेत आहे.

या चित्रपटाचा ट्रेलर अनेकांच्या पसंतीस पडला आहे. राजकुमार हिरानी यांची ही बहुप्रतीक्षित सीरिज ३ जुलै रोजी जिओ हॉटस्टारवर रिलीज होणार आहे. Rajkumar Hirani

हेही वाचा: 

SET Exam 2026 : विद्यार्थ्यांना दिलासा! सेट परीक्षेसाठी अर्ज करण्यास मुदतवाढ; कधीपर्यंत भरता येणार अर्ज?