Rajat Patidar Century : रजत पाटीदारने वादळी शतक ठोकत रचला इतिहास! मध्यप्रदेशसाठी ‘हा’ खास पराक्रम करणारा ठरला पहिलाच खेळाडू
Rajat Patidar Century : रजत पाटीदारने सय्यद मुश्ताक अली ट्रॉफीमध्ये ४८ चेंडूंमध्ये नाबाद १३५ धावांची धडाकेबाज खेळी केली. मध्य प्रदेशने आसामविरुद्ध २५० धावांचे लक्ष्य ठेवले होते. रजतने १३ षटकार आणि ८ चौकार मारले.

Rajat Patidar Unbeaten 135 Runs Syed Mushtaq Ali Trophy Madhya Pradesh Record : भारतीय फलंदाज रजत पाटीदारने पुन्हा एकदा आपल्या स्फोटक फलंदाजीने क्रिकेट विश्वात नवा इतिहास रचला आहे. सैयद मुश्ताक अली ट्रॉफीमध्ये आसामविरुद्ध खेळताना मध्य प्रदेशचा कर्णधार रजत पाटीदारने चौकार आणि षटकारांची अशी काही बरसात केली की समोरचे गोलंदाज हतबल झाले. त्याने तब्बल २८१.२५ च्या तुफानी स्ट्राईक रेटने फलंदाजी करत संघाची धावसंख्या २० षटकांत २५० धावांपर्यंत नेऊन ठेवली. यासह तो मध्यप्रदेशसाठी एक खास पराक्रम करणारा पहिलाच खेळाडू ठरला आहे,
अवघ्या ४१ चेंडूंत झळकावले झंझावाती शतक; १९ व्या षटकात कुटल्या २८ धावा
नाणेफेक गमावून प्रथम फलंदाजी करणाऱ्या मध्य प्रदेशची सुरुवात खराब झाली होती; अवघ्या ७.४ षटकांत ५७ धावांवर संघाचे ३ महत्त्वाचे फलंदाज बाद झाले होते. मात्र, त्यानंतर मैदानात आलेल्या कर्णधार रजत पाटीदारने आक्रमक पवित्रा घेत केवळ २५ चेंडूंत अर्धशतक पूर्ण केले आणि त्यानंतर अवघ्या ४१ चेंडूंत खणखणीत शतक ठोकले. शतकानंतरही त्याने आपला आक्रमक खेळ सुरूच ठेवत डावाच्या १९ व्या षटकात एक चौकार आणि चार उत्तुंग षटकार खेचले.
नाबाद १३५ धावांची खेळी; १३ षटकारांनी उडवला धुरळा –
RAJAT PATIDAR IS IN RAPA-RAP MODE! 💀🔥
A CENTURY IN JUST 41 BALLS! 🤯
13 sixes. 8 fours. Absolute carnage from the MP captain!
RaPa is making every delivery count! 🚀🫡#MPvASM #SMAT #RajatPatidar #3rdManView https://t.co/49jllsIY9d
— Third Man View (@3rdManView) November 16, 2026
या संपूर्ण सामन्यात रजत पाटीदारने अवघ्या ४८ चेंडूंचा सामना करत नाबाद १३५ धावा कुटल्या. या झंझावाती खेळीत त्याने तब्बल १३ उत्तुंग षटकार आणि ८ खणखणीत चौकार लगावले, ज्यामुळे मध्य प्रदेशला २५० धावांचा भलामोठा डोंगर उभारता आला. या अविस्मरणीय खेळीसह त्याने मध्य प्रदेश क्रिकेटच्या इतिहासात यापूर्वी कोणत्याही फलंदाजाला न जमलेला ऐतिहासिक विक्रम आपल्या नावावर केला आहे.
सैयद मुश्ताक अली ट्रॉफीत शतक ठोकणारा मध्य प्रदेशचा पहिलाच फलंदाज
🚨 HISTORY BY RAJAT PATIDAR! 🔥
He becomes the first-ever Madhya Pradesh batter to score a century in the Syed Mushtaq Ali Trophy.
And he achieved this incredible feat coming in at No.5! 🫡💯 https://t.co/Vb67ppACFk
— Lakshay Sharma (@CricWithLaksh) November 16, 2026
विशेष म्हणजे, सैयद मुश्ताक अली ट्रॉफीच्या इतिहासात आजवर मध्य प्रदेशच्या एकाही फलंदाजाला शतक झळकावता आले नव्हते. यापूर्वी २०२१ मध्ये रजत ९६ धावांवर बाद झाल्याने अवघ्या ४ धावांनी त्याचे शतक हुकले होते; मात्र आता शतक ठोकणारा तो मध्य प्रदेशचा पहिला आणि एकमेव फलंदाज ठरला आहे.





