बाहुबली, बाहुबली २ आणि आरआर सारखे दर्जेदार आणि मोठ्या स्केलवर चित्रपट तयार करणारे निर्माता दिग्दर्शक म्हणजे एसएस राजामौली. आता राजामौली यांनी त्यांच्या पुढच्या चित्रपटाची घोषणा केली आहे. या चित्रपटात दाक्षिणात्य अभिनेता महेश बाबू आणि अभिनेत्री प्रियंका चोप्रा पहिल्यांदाच एकत्र दिसणार आहेत. या चित्रपटाचे नाव SSMB29 हे असणार आहे. याबद्दल चित्रपटाचे दिग्दर्शक राजमौली यांनी इन्स्टाग्रामवर पोस्ट करून माहिती दिली आहे. त्यामुळे त्यांच्या आगामी चित्रपटाचे नावच SSMB29 असे अनोखे असल्याने या चित्रपटाबद्दल चाहत्यांमध्ये उत्सुकता निर्माण झाली आहे.

राजामौली यांनी इन्स्टाग्रामवर शेअर केलेल्या पोस्टमध्ये पिंजऱ्यात बंद असलेल्या सिंहाचा फोटो दिसत आहे. या फोटोला त्यांनी कॅपचर असे कॅप्शन दिले आहे. तसेच ते स्वःत या फोटोमध्ये दिसत असून त्यांनी आपल्या उजव्या हातात पासपोर्ट घेतलेला आहे. मिळालेल्या माहितीनुसार, या चित्रपटाच्या शुटिंगला देखील सुरूवात झाली आहे. हा चित्रपट पौराणिक कथांवर आधारलेला असणार आहे. तसेच या चित्रपटात व्हिज्युअलचा अनोखा मिलाफ पाहिला मिळणार आहे.

प्रियांका चोप्राने पोस्टवर ही माहिती दिली

प्रियंका चोप्राने नुकतीच हैदराबादमध्ये आगमनाची घोषणा केली आणि ‘तिच्या आयुष्यातील एक नवीन अध्याय’ सुरू करण्याचे संकेत तिने दिले आहेत. तिने शेअर केलेल्या पोस्टमध्ये शेवटी या चित्रपटात काम करण्याचे असल्याचे सांगितले आहे.

राजामौली, महेश बाबू एकत्र

SSMB29 या चित्रपटाच्या शूटिंगच्या आधी 2 जानेवारी रोजी हैदराबादमध्ये SS राजामौली आणि महेश बाबू यांच्या उपस्थितीमध्ये विशेष पूजा समारंभ करण्यात आला. त्यानंतर हैदराबादमधील ॲल्युमिनियम कारखान्यात दिग्दर्शक-अभिनेता जोडी दिसली.