हिमाचल प्रदेशात पावसामुळे गेल्या तीन दिवसांत आतापर्यंत ७१ जणांचा मृत्यू झाला आहे, तर १३ जण अद्याप बेपत्ता आहे. हा आकडा वाढण्याची शक्यता वर्तवली जात आहे.  मुख्यमंत्री सुखविंदर सिंग सुखू म्हणाले की, ‘पायाभूत सुविधांची पुनर्बांधणी करणे हे डोंगरासारखे आव्हान आहे.’ रिपोर्ट्सनुसार, शिमला येथील समर हिलजवळील शिव मंदिराच्या ढिगाऱ्यातून आणखी एका महिलेचा मृतदेह सापडला असून, यासह पावसाशी संबंधित घटनांमध्ये प्राण गमावलेल्या 57 लोकांचे मृतदेह आतापर्यंत सापडले आहेत. 

बुधवारी भूस्खलन आणि पुरामुळे कोसळलेल्या इमारतींच्या ढिगाऱ्यातून आणखी मृतदेह बाहेर काढण्यात आल्यानंतर मृतांची संख्या वाढल्याचे अधिकाऱ्यांनी सांगितले. राज्यात रविवारपासून सुरू असलेल्या मुसळधार पावसामुळे शिमल्याच्या समर हिल, कृष्णा नगर आणि फागली भागात भूस्खलन झाले. 

गेल्या तीन दिवसांत 71 जणांचा मृत्यू झाला आहे प्रधान सचिव (महसूल) ओंकार चंद शर्मा यांनी सांगितले की, गेल्या तीन दिवसांत ७१ जणांचा मृत्यू झाला असून १३ जण अद्याप बेपत्ता आहेत. त्याचवेळी, रविवारी रात्रीपासून 57 मृतदेह बाहेर काढण्यात आले आहेत. त्याचवेळी मुख्यमंत्री सुखू म्हणाले की, हिमाचलमध्ये अतिवृष्टीमुळे उद्ध्वस्त झालेल्या पायाभूत सुविधांची दुरुस्ती करण्यासाठी एक वर्ष लागेल. सुमारे 10,000 कोटी रुपयांचे नुकसान झाल्याचा दावा त्यांनी केला. हे मोठे आव्हान असल्याचे मुख्यमंत्री म्हणाले.