Pune News : अखिल काशेवाडी नवरात्र महोत्सव समिती व क्रांतीवीर लहुजी वस्ताद साळवे एकता प्रतिष्ठान यांच्या वतीने आयोजित करण्यात आलेल्या नवरात्र उत्सवादरम्यान पुणे शहराचे पोलीस आयुक्त अमितेश कुमार यांनी काशेवाडी परिसराला भेट देऊन देवीची आरती केली. (Pune News)

यावेळी उपस्थित नागरिकांशी संवाद साधताना त्यांनी परिसरातील अवैध धंद्यांबाबत महत्त्वपूर्ण आवाहन केले. “अवैध धंदे करणाऱ्या व्यक्तींनी हे मार्ग सोडून समाजाच्या मुख्य प्रवाहात यावे,” असे आवाहन पोलीस आयुक्त अमितेश कुमार यांनी केले नाही तर कायदेशीर रित्या त्यांचा इलाज केला जाईल. (Pune News)

तसेच काशेवाडी परिसरात अवैध धंदे सुरू असल्याबाबत कोणत्याही नागरिकाकडे माहिती असल्यास त्यांनी पोलीस आयुक्त कार्यालयाशी संपर्क साधून ती माहिती पोलिसांना द्यावी. अशा माहितीच्या आधारे संबंधित प्रकरणांची दखल घेऊन योग्य ती तातडीची कारवाई करण्यात येईल, असे त्यांनी स्पष्ट केले. माहिती देणाऱ्या नागरिकांची नावे गोपनीय ठेवण्यात येतील, असे आश्वासनही त्यांनी यावेळी दिले. (Pune News)

समाजातील अवैध प्रवृत्तींना आळा घालण्यासाठी नागरिकांनी पोलिसांना सहकार्य करावे आणि परिसरात शांतता, सुरक्षितता व कायदा-सुव्यवस्था राखण्यासाठी पुढाकार घ्यावा, असे आवाहनही त्यांनी केले. (Pune News)

कार्यक्रमासाठी आवर्जून उपस्थित गणेश पेठ गुरुद्वाराचे प्रमुख, शीख धर्मगुरू भोलासिंग अरोरा जी, भारत देशातील सर्वात जुने बालाजी मंदिर चे महंत लाल दास जी बैरागी, व इतर मान्यवर उपस्थित होते. (Pune News)

या प्रसंगी नवरात्र उत्सवाचे प्रमुख आयोजक तथा नगरसेवक अविनाशजी बागवे व यासेरजी बागवे यांच्या शुभहस्ते पुणे पोलीस आयुक्त अमितेश कुमार यांचा देवीची मुर्ती देऊन सन्मान व सत्कार करण्यात आला. (Pune News)

यावेळी मातंग एकता आंदोलनाचे सचिव आरुणजी गायकवाड, पुणे शहराध्यक्ष दयानंदजी आडागळे, नवरात्र उत्सवाचे प्रमुख सुनीलजी बावकर, पुणे कॅन्टोन्मेंट मतदार संघाचे सोशल मीडिया अध्यक्ष हुसेनभाई शेख, महिला आघाडीच्या अध्यक्ष सुरेखाताई खंडाळे, नवरात्र उत्सवाचे अध्यक्ष आदित्य गायकवाड, सुरेश भंडारी तसेच मंडळाचे विविध पदाधिकारी, कार्यकर्ते आणि परिसरातील महिला भगिंनी व स्थानिक नागरिक मोठ्या संख्येने उपस्थित होते. (Pune News)

या कार्यक्रमाच्या माध्यमातून नवरात्र उत्सवाच्या धार्मिक आणि सांस्कृतिक वातावरणात सामाजिक सलोखा, नागरिकांची सुरक्षितता आणि अवैध धंद्यांविरोधात जनजागृती करण्याचा संदेश देण्यात आला. (Pune News)