नवी दिल्ली : हिन्द-प्रशांत क्षेत्राची स्थिरता, प्रगती आणि समृद्धीसाठी एक महत्वपूर्ण शक्ती रूपात क्वॉड असल्याचे परराष्ट्र मंत्री एस. जयशंकर यांनी म्हटले आहे. एका सोशल मीडिया पोस्टमध्ये, डॉ.जयशंकर यांनी जपानचे परराष्ट्र मंत्री ताकेशी इवाया आणि अमेरिकेचे परराष्ट्र मंत्री अँटोनी ब्लिंकन यांच्यासमवेत या क्षेत्राच्या गरजा पूर्ण करण्याच्या त्यांच्या वचनबद्धतेचा पुनरुच्चार केला.

आपत्तींना तोंड देण्यासाठी आपत्कालीन प्रतिसाद कार्य आता पूर्ण भागीदारीत रूपांतरित झाले आहे, असे क्वाडच्या २० व्या वर्धापन दिनानिमित्त क्वाड परराष्ट्र मंत्र्यांच्या संयुक्त निवेदनात म्हटले आहे. क्वाड देश आता इंडो-पॅसिफिक भागीदारांसोबत एकत्रितपणे काम करतील, असेही त्यात म्हटले आहे.

क्वाड देश हवामान बदल, कर्करोग आणि साथीच्या रोगांशी लढा देण्यापासून दर्जेदार पायाभूत सुविधा निर्माण करणे, दहशतवादविरोधी प्रयत्न आणि सायबर सुरक्षेला प्रोत्साहन देण्यापर्यंतच्या जटिल आव्हानांवर लक्ष केंद्रित करत आहेत. त्सुनामीमुळे बाधित लाखो लोकांना मदत करण्यासाठी चार देशांनी इंडो-पॅसिफिक प्रदेशात चाळीस हजाराहून अधिक आपत्कालीन प्रतिसाद संघ आणि इतर भागीदारांचे योगदान दिले आहेत, असेही जयशंकर यांनी आपल्या पोस्टमध्ये म्हटले आहे.