QR Code Scam: ऑनलाइन फसवणुकीत सामान्य लोक क्यूआर कोड घोटाळ्याचे बळी वाढत आहेत. हा घोटाळा ऑनलाइन स्कॅमसारखाच आहे, ज्यामध्ये स्कॅमर वापरकर्त्यांना आमिष दाखवतात आणि नंतर हळूहळू त्यांचा बळी बनवतात. हा घोटाळा सहसा फिशिंग साइट्सद्वारे केला जातो, जेथे स्कॅमर QR कोड स्कॅन करण्याचा पर्याय देतात आणि तुम्ही QR कोड स्कॅन करताच, तुमचे आर्थिक तपशील त्यांच्या हातात येतात आणि तुमचे खाते रिकामे होते.

दिल्लीचे मुख्यमंत्री अरविंद केजरीवाल यांची मुलगी देखील अशाच एका ऑनलाइन घोटाळ्याची शिकार झाल्याचं मीडिया रिपोर्टमध्ये अलीकडेच सांगण्यात आलं होतं. ज्यामध्ये तीने ऑनलाइन सेकंड हँड मार्केटप्लेसवर जुना सोफा सेट विकण्याचा प्रयत्न केला, परंतु त्याऐवजी तीने 34,000 रुपये गमावले. गेल्या काही दिवसांत अशी अनेक प्रकरणे समोर आली आहेत. येथे आम्ही तुम्हाला QR कोड स्कॅमची पद्धत आणि ते टाळण्यासाठी टिप्स सांगत आहोत.

QR कोड घोटाळा कसा होतो?
जेव्हा कोणीतरी ऑनलाइन विक्री वेबसाइटवर एखादी वस्तू सूचीबद्ध करते तेव्हा घोटाळा सुरू होतो. त्यानंतरच फसवणूक करणारे स्वतःला खरेदीदार म्हणून सादर करतात आणि आगाऊ किंवा टोकन रक्कम भरण्यासाठी QR कोड शेअर करतात. जे स्कॅन करून, स्कॅमर पेमेंट मिळवण्याबद्दल माहिती देतात. वापरकर्त्यांनी हा QR कोड स्कॅन करताच त्यांच्या खात्यातून पैसे कापले जातात.

QR कोड घोटाळा कसा ओळखायचा?
घोटाळे ओळखण्यासाठी, सर्वप्रथम वापरकर्त्यांना हे माहित असले पाहिजे की QR कोड फक्त पैसे पाठवण्यासाठी स्कॅन केला जातो, पैसे मिळवण्यासाठी नाही. हा घोटाळा ओळखण्याचा आणखी एक मार्ग आहे, ज्यामध्ये तुम्ही QR कोड किंवा बनावट वेबसाइट ओळखू शकता. जर कोणतीही वेबसाइट “https://” ने सुरू होत नसेल आणि वेबसाइटच्या नावात स्पेलिंगची चूक असेल, तर तुम्ही ती खोटी वेबसाइट आहे हे समजून घ्यावे.

QR कोड घोटाळे कसे टाळायचे?
QR कोड घोटाळ्यांपासून स्वतःचे संरक्षण करण्यासाठी, UPI आयडी आणि बँक तपशील अनोळखी व्यक्तींसोबत शेअर करणे टाळा, ऑनलाइन व्यवहारांची पडताळणी करा आणि संशयास्पद QR कोडपासून सावध रहा.