PV Sindhu Wins Japan Open 2026 Title : भारताची स्टार बॅडमिंटनपटू पी. व्ही. सिंधूने (PV Sindhu) जपान ओपन सुपर-७५० (Japan Open Super 750) स्पर्धेच्या महिला एकेरीचे विजेतेपद पटकावून इतिहास रचला आहे. अत्यंत चुरशीच्या आणि हाय-व्होल्टेज ठरलेल्या अंतिम सामन्यात सिंधूने यजमान जपानची स्टार शटलर आणि जागतिक क्रमवारीत तिसऱ्या स्थानावर असलेल्या अकाने यामागुचीचा (Akane Yamaguchi) सरळ गेममध्ये २१-१७, २१-१७ असा पराभव केला. या ऐतिहासिक विजयासह सिंधू जपान ओपनचे विजेतेपद पटकावणारी पहिली भारतीय महिला बॅडमिंटनपटू ठरली आहे.

दोन वर्षांचा दुष्काळ संपवला; सिंधूचे दिमाखदार पुनरागमन –

गेल्या दोन वर्षांपासून एका मोठ्या आंतरराष्ट्रीय जेतेपदाच्या प्रतीक्षेत असलेल्या सिंधूने या विजयासह जागतिक बॅडमिंटनमध्ये दमदार पुनरागमन केले आहे. जवळपास दोन वर्षांनंतर ती एखाद्या मोठ्या बीडब्ल्यूएफ (BWF) वर्ल्ड टूरच्या अंतिम फेरीत उतरली होती. अनुभवी सिंधूने सुरुवातीपासूनच सामन्यावर आपले नियंत्रण ठेवले. उत्कृष्ट रणनीती आणि आक्रमक खेळाच्या जोरावर तिने अवघ्या एका तासाच्या आत यामागुचीला गुडघे टेकण्यास भाग पाडले. यापूर्वी तिने २०२४ मध्ये ‘सैयद मोदी इंटरनॅशनल’चे जेतेपद पटकावले होते.

Where she belongs 👑🏆

​Standing tall on the top spot of the podium with Japan Open Gold around her neck. History looks incredibly good on you, PV Sindhu! 🥇🇮🇳

​#JapanOpen2026

📸: @badmintonphoto pic.twitter.com/Rkbz3yZess

— BAI Media (@BAI_Media) July 19, 2026

स्थानिक प्रेक्षकांच्या गराड्यात यामागुचीला केले हतबल!

PV SINDHU BECOMES THE FIRST EVER INDIAN TO WIN THE JAPAN OPEN! 🇯🇵🤩

– Sindhu defeats Home Favourite and Three-time World Champion Akane Yamaguchi

QUEEN SINDHU FINALLY WINS S750
TITLE! pic.twitter.com/mJQONE5NwQ

— The Khel India (@TheKhelIndia) July 19, 2026

टोकियोमधील घरचे प्रेक्षक जापानी स्टार यामागुचीचा उत्साह वाढवत होते, मात्र सिंधूच्या खेळापुढे त्यांचे काही चालले नाही. दुसऱ्या गेममध्ये सिंधूने कमालीचा वेगवान खेळ केला. फ्रंट कोर्टवर वेगाने सरसावण्याच्या तिच्या कौशल्याने यामागुची पूर्णपणे चकित झाली. सिंधूने आपल्या उत्कृष्ट प्लेसमेंटने यामागुचीला कोर्टच्या दोन्ही बाजूंना पळवून पुरते थकवले. कारकिर्दीतील या ३१ व्या आमनेसामने लढतीत विजय मिळवल्यानंतर कोर्टवर दोन्ही खेळाडूंमधील खिलाडूवृत्ती आणि परस्परांबद्दलचा आदर स्पष्टपणे दिसून आला.

हेही वाचा – Morkel Backs Rohit : “रोहितच्या फॉर्मची चिंता नाही, तो…”, लॉर्ड्स वनडेपूर्वी गोलंदाजी प्रशिक्षक मॉर्ने मॉर्कलचं मोठं वक्तव्य

आगामी जागतिक अजिंक्यपद स्पर्धेसाठी वाढला आत्मविश्वास –

The Queen reclaims her crown. 👑🏸

PV Sindhu outclassed Akane Yamaguchi 21-17, 21-17 in straight games to lift the Japan Open 2026 women’s singles title, becoming the first Indian to win the tournament. pic.twitter.com/zRnQH31H4i

— Olympic Khel (@OlympicKhel) July 19, 2026

या ऐतिहासिक विजयानंतर सिंधूचे पुढील लक्ष्य मायदेशात होणारी मोठी स्पर्धा असणार आहे. नवी दिल्लीतील प्रतिष्ठित इंदिरा गांधी इनडोअर स्टेडियमवर १७ ते २३ ऑगस्ट २०२६ दरम्यान बीडब्ल्यूएफ वर्ल्ड बॅडमिंटन चॅम्पियनशिप रंगणार आहे. या अत्यंत महत्त्वाच्या जागतिक स्पर्धेच्या ठीक महिनाभर आधी मिळालेले हे जेतेपद सिंधूचा आत्मविश्वास द्विगुणित करण्यासाठी मैलाचा दगड ठरेल.