Punjab Puja Mandap collapsed ।  पंजाबमधील लुधियानामध्ये अचानक आलेल्या वादळानंतर मोठी दुर्घटना घडल्याची माहिती समोर आली आहे.  वादळामुळे नवरात्रीचे पुजा मंडप कोलमडले. या अपघातात दोघांचा मृत्यू झाला आहे. तर 15 जण गंभीर जखमी झाले आहेत. सुनीता देवी असे मृत महिलेचे नाव असून ती बर्नहारा गावातील रहिवासी आहे.

लुधियाना येथील पंडाल कोसळण्याच्या घटनेत जखमी झालेल्या लोकांना तात्काळ उपचारासाठी रुग्णालयात दाखल करण्यात आले असून, त्यांच्यावर उपचार सुरू आहेत. सात जणांची प्रकृती गंभीर असल्याचे डॉक्टरांनी घोषित केले आहे.

 जागरणमध्ये सहभागी रहिवासी या ठिकाणचे लोक  Punjab Puja Mandap collapsed । 

यूएनआय या वृत्तसंस्थेनुसार, शनिवारी आणि रविवारी मध्यरात्री लुधियानामध्ये अचानक आलेल्या वादळामुळे जागरण पंडाल कोसळून दोन महिलांचा मृत्यू झाला. या अपघातात अन्य 15 जण जखमी झाले आहेत. जखमींमध्ये बहुतांश मुलांचा समावेश आहे. जागरणात सहभागी झालेले बहुतांश लोक बरनहारा गाव आणि द्वारका एन्क्लेव्हचे रहिवासी होते.

पंजाबमधील लुधियाना येथील हंबाडा रोडवर असलेल्या श्री गोविंद गोधम मंदिरात नवरात्रीनिमित्त माता जागरण सुरू असताना हा अपघात झाला. या घटनेची माहिती मिळताच पोलिसांनी घटनास्थळ गाठून मदतकार्यासह तपास सुरू केला.

अशा प्रकारे जागरण आयोजित करण्यात आले होते Punjab Puja Mandap collapsed । 

TOI च्या रिपोर्टनुसार, गावातील लोकांनी नवरात्रोत्सव साजरा करण्यासाठी देणगी गोळा करून जागरण आयोजित केले होते. जागरणासाठी मोकळ्या मैदानात पंडाल लावण्यात आला होता, मात्र अचानक आलेल्या वादळामुळे पंडाल कोसळला.

स्थानिक पोलीस स्टेशनचे एसएचओ राजिंदर पाल सिंह यांच्या म्हणण्यानुसार, आयोजकांनी जागरण आयोजित करताना सुरक्षेच्या बाबी विचारात घेतल्या नाहीत. मृत व जखमींच्या नातेवाईकांनी अद्याप कोणतीही तक्रार दाखल केलेली नाही.

हेही वाचा
चेन्नईमध्ये एअर शो पाहण्यासाठी मोठी गर्दी; 4 जणांचा मृत्यू, 230 जण रुग्णालयात दाखल