Pune News : गणपती विसर्जन मिरवणुकीतील गर्दीचा फायदा घेऊन नागरिकांच्या गळ्यातील सोन्याच्या साखळ्या, मंगळसूत्रे, पर्समधील दागिने तसेच मोबाईल आणि पाकीट चोरणाऱ्या १५ जणांना विश्रामबाग पोलिसांनी अटक केली. (Pune News)

या कारवाईत विश्रामबाग, फरासखाना आणि चंदननगर पोलिस ठाण्यांच्या हद्दीतील तब्बल २२ चोरीचे गुन्हे उघडकीस आले असून, सुमारे ३५ लाख रुपयांचा मुद्देमाल जप्त करण्यात आला आहे. पोलिसांनी सलग ५६ तास कारवाई करून ही कामगिरी केली. (Pune News)

गणेशोत्सव आणि विसर्जन मिरवणुकीच्या काळात मोठ्या प्रमाणावर गर्दी होत असल्याने राज्यातील तसेच परराज्यातील चोरट्यांच्या टोळ्या सक्रिय होतात. या पार्श्वभूमीवर गर्दीच्या ठिकाणी नागरिकांच्या होणाऱ्या चोऱ्या रोखण्यासाठी परिमंडळ-१ चे पोलिस उपायुक्त कृषीकेश रावले यांनी विश्रामबाग पोलिसांना विशेष सूचना दिल्या होत्या. (Pune News)

त्यानुसार वरिष्ठ पोलिस निरीक्षक नवनाथ जगताप यांनी तपास पथकाचे प्रभारी अधिकारी सहायक पोलिस निरीक्षक उमेश कारके आणि त्यांच्या पथकाला गर्दीच्या ठिकाणी साध्या वेशात गस्त घालून चोरट्यांवर लक्ष ठेवण्याच्या सूचना दिल्या. (Pune News)

त्यानुसार पोलिसांनी विविध ठिकाणी साध्या वेशात निगराणी ठेवून १५ संशयितांना वेगवेगळ्या ठिकाणांहून ताब्यात घेतले. चौकशीत त्यांनी गणेशोत्सव आणि विसर्जन मिरवणुकीदरम्यान गर्दीचा फायदा घेऊन चोरी केल्याची माहिती समोर आली. (Pune News)

या आरोपींकडून विश्रामबाग पोलिस ठाण्याच्या हद्दीतील १९ गुन्हे उघडकीस आले आहेत. त्यात सोन्याचे दागिने चोरीचे १५, मोबाईल चोरीचे तीन आणि पाकीट चोरीच्या एका गुन्ह्याचा समावेश आहे. (Pune News)

तसेच फरासखाना पोलिस ठाण्याच्या हद्दीतील सोन्याचे दागिने चोरीचे तीन आणि चंदननगर पोलिस ठाण्याच्या हद्दीतील एक गुन्हा उघडकीस आला आहे. अशा प्रकारे एकूण २२ गुन्ह्यांचा तपास लावण्यात पोलिसांना यश आले. (Pune News)

अटक आरोपींपैकी संतोष कान्हु पवार (रा. अहिल्यानगर), जालिंदर शयीराव वाघमारे (रा. गजानननगर, बीड), सुशांत शिवाजी गायकवाड (रा. म्हाडा कॉलनी, लातूर), गफर मौला शेख (रा. नामपल्ली, हैदराबाद) आणि शेख सैबाज शेख शफीक (रा. मालेगाव, नाशिक) यांना वेगवेगळ्या गुन्ह्यांत २९ सप्टेंबरपर्यंत पोलिस कोठडी सुनावण्यात आली आहे. ही कारवाई २५ सप्टेंबर रोजी सकाळी सात वाजता सुरू झाली असून २७ सप्टेंबर रोजी दुपारी तीन वाजेपर्यंत, सलग ५६ तास पोलिसांनी अथक परिश्रम घेऊन केली. (Pune News)

पोलिस आयुक्त अमितेश कुमार, पोलिस सहआयुक्त संजय दराडे, अपर पोलिस आयुक्त पश्चिम प्रादेशिक विभाग राजेश बनसोडे, पोलिस उपायुक्त कृषीकेश रावले, सहायक पोलिस आयुक्त अनुजा देशमाने यांच्या मार्गदर्शनाखाली वरिष्ठ पोलिस निरीक्षक नवनाथ जगताप, पोलिस निरीक्षक विकास भिंगारदिवे, पोलिस निरीक्षक (गुन्हे) रमेश लाहिगुडे यांच्या सूचनेनुसार ही कारवाई करण्यात आली. (Pune News)

तपास पथकाचे सहायक पोलिस निरीक्षक उमेश कारके, पोलिस उपनिरीक्षक सत्यवान गेंड, मेहबुब मोकाशी तसेच पोलिस अंमलदार सचिन कदम, नितीन मुंढे, महेश कदम, शैलेश सुर्वे, सचिन अहिवळे, शशीकांत दरेकर, कैलास डुकरे, जाकीर मणियार, अनिस शेख, शिवदत्त गायकवाड, फिरोज इनामदार, सागर मोरे, अर्जुन थोरात, नितीन बाबर आणि रोशनी बर्डे यांनी ही कारवाई केली. (Pune News)

Pune News : विश्रांतवाडीत पीठ मागण्यासाठी गेलेल्या १२ वर्षीय मुलीवर अत्याचार; ५२ वर्षीय आरोपीला अटक