पुणे : दिनांक 03 ऑक्टोबर 2025 रोजी गरवारे ब्रिज येथे महत्वाचे दुरुस्तीचे काम करण्यात येणार आहे. त्यामुळे आज दुपारी १ ते ४ या वेळत या मार्गावरील वाहतूक तात्पुरती स्वरुपात बंद ठेवण्यात आल्याचा निर्णय घेण्यात आला आहे. तर वाहतुकीत बदल करण्यात आले असून वाहनधारकांनी पर्यायी मार्गांचा अवलंब करावा, असे आवाहन वाहतूक विभागाकडून करण्यात आले आहे. नागरिकांनी दिलेल्या पर्यायी मार्गांचा वापर करावा व पुणे शहर वाहतूक पोलीसांना सहकार्य करावे, असे पुणे शहर पोलिसांच्या वतीने सांगण्यात आले आहे.

बंद होणारे मार्ग व पर्यायी व्यवस्था:

जंगली महाराज रोड – गरवारे ब्रिज – गुडलक चौक वाहतूक बंद करण्यात येईल.
पर्यायी मार्ग: जंगली महाराज रोडने सरळ पुढे खंडोजी बाबा चौकातून इच्छित स्थळी जावे.

खंडोजी बाबा चौक – फर्ग्युसन कॉलेज रोड वाहतूक बंद करण्यात येईल.
पर्यायी मार्ग: खंडोजी बाबा चौकातून डावीकडे वळून प्रभात रोडने इच्छित स्थळी जावे.

झाशी राणी चौक – जंगली महाराज रोड – खंडोजी बाबा चौक वाहतूक आवश्यकतेनुसार बंद करण्यात येईल.

लष्कर वाहतूक विभागा अंतर्गत,

दिनांक 03.10.2025 रोजी एम.जी. रोडवरील महत्त्वाचे काम सुरू असल्याने सदर रस्त्यावरील वाहतूक दुपारी १ ते चार वाजेपर्यंत तात्पुरत्या स्वरूपात आवश्यकतेनुसार बंद करण्यात येत आहे.

वाहतूक बदल पुढीलप्रमाणे :

इंदिरा गांधी चौक – महावीर चौक वाहतूक बंद.
वाहतूक सरळ आंबेडकर पुतळ्याकडे वळविण्यात येईल.

(आंबेडकर चौक ते इंदिरा गांधी चौक हा रस्ता सदर वेळेसाठी दुहेरी वाहतुकीसाठी खुला ठेवण्यात येईल.)

सेंट्रल स्ट्रीट चौक – महावीर चौक वाहतूक बंद.

वाहतूक सरबतवाला चौक मार्गे पुढे सोडण्यात येईल.

भोपळे चौक – कोहिनूर चौक वाहतूक बंद.

वाहतूक शिवाजी मार्केटकडे वळविण्यात येईल.

जॉर्ज हॉटेल चौक – नाज चौक वाहतूक बंद.

वाहनचालकांनी इंदिरा गांधी चौकात डावीकडे वळून इच्छित स्थळी जाता येईल.