Pune News : यार्ड रिमॉडेलिंग, अतिरिक्त सहा प्लॅटफॉर्म आणि सॅटेलाइट टर्मिनल्सच्या ऐतिहासिक नियोजनासह पुणे रेल्वेचा कायापालट करणारे ट्रॅफिक इन्स्पेक्टर किरण होजगे ३४ वर्षांच्या सेवेनंतर सेवानिवृत्त झाले. (Pune News)

समारोप समारंभप्रसंगी वरिष्ठ विभागीय परिचालन व्यवस्थापक डॉ. रामदास भिसे, वरिष्ठ विभागीय वाणिज्य व्यवस्थापक अनिलकुमार पाठक, डॉ. मिलिंद भोई, निवृत्त एसीपी मिलिंद गायकवाड, शिरीष मोहिते यासह माजी रेल्वे बोर्ड अध्यक्ष सुनीत शर्मा, माजी जीएम मिलिंद देऊस्कर उपस्थित होते. (Pune News)

त्यांच्या कार्यकाळात सुरक्षितता, पायाभूत सुविधांचा विकास आणि भविष्यातील रेल्वे वाहतुकीचे उत्कृष्ट नियोजन करण्यात आले. होजगे यांनी पुणे स्टेशनवरील ताण कमी करण्यासाठी पुणे यार्ड रिमॉडेलिंगसह अतिरिक्त सहा प्लॅटफॉर्मचे नियोजन केले. (Pune News)

तसेच हडपसर आणि खडकी येथे सॅटेलाइट कोचिंग टर्मिनल्स, तर शिवाजीनगर येथे अतिरिक्त ईएमयू टर्मिनल उभारण्यात महत्त्वाची भूमिका बजावली. पुणे-लोणावळा दरम्यान स्वयंचलित सिग्नल यंत्रणा, तिसऱ्या व चौथ्या मार्गिकेचे संकल्पनात्मक प्लॅन, आणि पुणे-मिरज दुहेरीकरणाचे नियोजन त्यांनी यशस्वीपणे केले. (Pune News)

याशिवाय कोल्हापूर स्थानकात २४ डब्यांच्या गाडीसाठी व्यवस्था, फुरसुंगी येथे नवीन मालधक्का आणि अल्ट्राटेक, बीपीसीएलसारख्या मोठ्या कंपन्यांचे प्रायव्हेट सायडिंग पूर्ण करून रेल्वेचा महसूल वाढवला. त्यांच्या उत्कृष्ट कार्यासाठी प्रशासनाने त्यांना विविध पुरस्काराने सन्मानित केले. (Pune News)