पुणे – रोटरी क्लब पुणे मिडटाउन तर्फे रविवार दि. १२ जानेवारी २०२५ रोजी “योगा स्पर्धा” आयोजित करण्यात आली होती. मुलांमुलींमध्ये योग-व्यायाम याविषयी आवड निर्माण व्हावी व त्यांच्यातील कलागुणांना वाव मिळावा या उद्देशाने हि स्पर्धा भरवण्यात येते.

यंदा या स्पर्धेचे हे तिसरे वर्ष होते. सेवासदन शाळा, एरंडवणे, पुणे येथे स.९ ते २.३० या वेळेत चार गटांमध्ये हि स्पर्धा घेण्यात आली. या योगा स्पर्धेत विविध शाळातील अनेक वि‌द्यार्थी मोठ्या उत्साहाने सहभागी झाले होते. प्रमुख पाहुणे योगगुरु अविनाश धस यांच्या हस्ते या स्पर्धेचे उ‌द्घाटन करण्यात आले. प्रत्येक गटाचे वेळ संपल्यानंतर लगेच त्या गटाचा बक्षीस समारंभ करण्यात आला.

गट १ (१ ली ते ४ थी) प्रथम क्रमांक लयेशा कार्तिकेय (ट्रि हाऊस स्कुल), द्वितीय क्रमांक प्रणया निलेश पोडके (दिल्ली पब्लिक स्कुल), तृतीय क्रमांक – यशदा शिंदे (फॉरचून स्कुल)

उत्तेजनार्थ १- आरोही कारंडे (परांजपे स्कुल), उत्तेजनार्थ २- अन्वेश मांडलिक (डॉ. कलमाडी स्कुल)

गट २ (५ ते ७ वी)- प्रथम क्रमांक आदित्य तोरस्कर (परांजपे स्कुल), द्वितीय क्रमांक – शिवराज काळे (परांजपे स्कुल), तृतीय क्रमांक अन्वी सोनवणे (भारतीय विद्यापीठ स्कुल), उत्तेजनार्थ १- माहेश्वरी चौधरी (परांजपे स्कुल), उत्तेजनार्थ २- मीरा काळे (न्यू इंडिया स्कुल)

गट ३ (८ वी ते १२ वी) प्रथम क्रमांक मीत छाजेड (युरो स्कुल), द्वितीय क्रमांक – स्वरा काटे (सेंट मीराज् स्कुल), तृतीय क्रमांक विनायक पाटील (विद्या विकास स्कुल), उत्तेजनार्थ १- अनन्या गोवंडे (अहिल्यादेवी स्कुल), उत्तेजनार्थ २- श्रावणी हंजगोळ (अहिल्यादेवी स्कुल)

गट ४ (ओपन) – प्रथम क्रमांक-शीतल पटेल, द्वितीय क्रमांक- पूनम मठपती, तृतीय क्रमांक-प्राजक्ता कानडे असे प्रत्येक गटासाठी बक्षिसे देण्यात आली. तसेच प्रत्येक सहभागी विद्यार्थ्यास पार्टिसिपेशन सर्टिफिकेट व खाऊ देण्यात आला.

सदर बक्षीस समारंभ प्रमुख पाहुणे अविनाश धस, PDG डॉ. सुधीर राशिनकर, प्रेसिडेंट अभिजीत म्हसकर व VP डॉ. शुभदाताई जठार यांच्या शुभहस्ते करण्यात आला. प्रमुख पाहुण्यांनी उपस्थित सहभागी विद्यार्थ्यांना मार्गदर्शन केले व मुलांना पाठिंबा देत असल्याबद्दल पालकांचेही कौतुक केले व सर्वांना शुभेच्छा दिल्या.

स्पर्धेत सहभागी विद्यार्थी व पालकांनी रोटरीच्या या उपक्रमाबद्दल आनंद व्यक्त केला व सदर उपक्रमाचे कौतुक केले. या स्पर्धेवेळी प्रेसिडेंट अभिजीत म्हसकर, सेक्रेटरी भालचंद्र दरेकर, फर्स्ट लेडी सिमा म्हसकर, पास्ट प्रेसिडेंट्स, रोटेरियन्स, अॅन्स, अण्णाज मोठ्या संख्येने उपस्थित होते. या सर्वांच्या उत्साही व सक्रिय सहभागामुळेच हि स्पर्धा यशस्वी ठरली. समन्वयक नितीन गद्रे व सुरज पाषाणकर.