पुणे – खडकी रेल्वे स्थानकावर नवीन फ्लॅटफाॅर्मचे काम हाती घेण्यात येणार असल्याने उद्या, रविवारी मध्यरात्री १२ ते सायंकाळी पाच वाजेपर्यंत मोठा ब्लाॅक घेण्यात आला आहे.या मार्गावर धावणाऱ्या सर्व गाड्या उशीराने धावतील. उपनगरीय गाड्या रद्द केल्या आहेत.

खडकी रेल्वे स्थानकावर प्री-नाॅन इंटरलाॅकिंग, नाॅन इंटरलाॅकिंग ही कामे आवश्यक आहे. त्यामुळे पुणे-लोणावळा-पुणे रेल्वे मार्गावरील २६ लोकल रद्द केल्या आहेत.रेल्वे क्रमांक १११४० होसापेटे ते छत्रपती शिवाजी महाराज टर्मिनल, मुंबई हीचा प्रवास पुण्यात समाप्त होईल.

रेल्वे क्रमांक ११०२९ मुंबई ते कोल्हापूर एक्सप्रेस १२ वाजून ४० मिनिटांनी सुटेल. मुंबई-पुणे दरम्यान ही सेवा रद्द केली आहे. कामामुळे एलसी गेट ६२ ए (किमी १८३/४-५ येथे) मॅन्युअली ऑपरेट केले जाईल. एलसी गेट ६२ एए (किमी १८३/४-५ येथे) नॉन-इंटरलॉक्ड राहिल तर दोन्ही गेट रस्ते वाहतुकीसाठी बंद राहतील. काही रेल्वे खडकी स्थानकावर थांबणार नाहीत तर काही रेल्वेंच्या वेळापत्रकात बदल झाला आहे.

चेन्नई एग्मोर-सीएसएमटी, सीएसएमटी, मुंबई -चेन्नई एग्मोर, पुणे-सीएसएमटी एक्सप्रेस, मुंबई, चेन्नई सेंट्रल-सीएसएमटी,मुंबई ,सीएमएसटी मुंबई-पुणे एक्सप्रेस, पुणे-सीएसएमटी एक्सप्रेस, मुंबई या रेल्वे खंडकी स्थानकावर थांबणार नाहीत. तसेच पुणे-लोणावळा, लोणावळा-शिवाजीनगर दरम्यान धावणाऱ्या काही लोकल खडकी स्थानकावर थांबणार नाही. मुंबई-चेन्नई एक्सप्रेस, पुणे-मुंबई डेक्कन एक्सप्रेस, मुंबई ते काकीनाडा, सीएसएमटी ते तिरुवनंतपुरम सेंट्रल त्रिवेंद्रम एक्सप्रेस, दौंड, पुणे ते इंदौर एक्सप्रेस या रेल्वेंच्या वेळापत्रकात बदल झाला आहे.