शिरूर – शिरूर शहरातील सिद्धीचा पहाड येथे होणार घनदाट जंगल मियावाकी पदध्तीने साडेपाच हजार वृक्षांची लागवड करण्यास सुरुवात झाली असून, शिरूर नगर परिषदेच्या वतीने हा उपक्रम सुरू केला आहे. शिरुर नगरपरिषदेचा वतीने शहरातील सिध्दीचा पहाड येथे २५ गुंठ्यामध्ये सुमारे ६६ विविध प्रजातीच्या ५५०० झाडांचे मियावाकी पध्द्तीने झाडे लावण्याचा उपक्रमास आमदार ॲड. अशोक पवार, प्रकाश धारिवाल यांच्या हस्ते वृक्ष लावून सुरवात झाली.

यावेळी अशोक पवार, प्रकाश धारीवाल, स्मिता काळे, सुभाष पवार, शिवप्रसाद कानडे, रवींद्र धनक, रवींद्र ढोबळे, एस. एस. भूते, मियावाकी विषयातील तज्ञ आकाश निकम, राजेंद्र ढमढेरे, तुषार वेताळ, लक्ष्मण डोके, सिध्देश्वर बगाडे, संतोष वाळके, उषा वाखारे, चंद्रकांत धापटे, राहूल पिसाळ, पकंज काकड, दत्तात्रेय बर्गे,  प्रशांत शिंदे, यांच्यासह विविध शाळांमधील शिक्षक, सामाजिक संघटना , स्वंयसेवी संस्था यांचे प्रतिनिधी व पर्यावरणप्रेमी उपस्थित होते .

यावेळी बोलताना स्मिता काळे म्हणाल्या, शिरूर शहरातील सिद्धीचा पहाड येथे 25 गुंठ्यामध्ये साडेपाच हजार वृक्षांची लागवड करण्यात येणार आहे यामुळे पर्यावरणाचे संवर्धन होणार असून, यामध्ये विविध फळझाडे फुलझाडे देशी झाडे मियावाकी पद्धतीने लावण्यात येणार आहे. शिरूर शहराची तापमानात रोजच वाढ होत आहे. वृक्ष लागवड केल्याने ती कमी होण्यास मदत होणार आहे.

यासाठी सुंदर शिरूर हरित शिरूर या अंतर्गत शिरूर शहरात मोठ्या प्रमाणात नगरपरिषदेच्या वतीने वृक्ष लागवड करीत आहोत त्यामुळे तापमानावरही परिणाम होईल असेही त्यांनी सांगितले. झाडे लावण्यापूर्वी त्यामध्ये भाताचा कोंडा, शेणखत, गांढुळ खत, कोकोपीट, सेंंद्रिय खत व पोयटा मिक्स करून टाकण्यात आला.

त्याच बरोबर बारामती येथे मियावकी पध्द्तीने लावण्यात आलेल्या झाडांच्या ठिकाणी शिरुर नगरपरिषदेच्या आधिका-यांनी भेट देवून यासंदर्भातील माहिती व मार्गदर्शन घेतले बारामती येथील या विषयातील तज्ञांच्या मार्गदर्शनाखाली शिरुर येथील काम सुरु करण्यात आल्याचे काळे यांनी सांगितले.