pune gramin : शिक्रापूर पोलीस स्टेशनच्या हद्दीतील एका गावातून चौदा वर्षीय अल्पवयीन युवतीचे अपहरण करुन युवतीला लग्नाचे आमिष दाखवत युवतीवर अत्याचार करण्यात आला. पोलिसांनी परभणी जिल्ह्यातून एकाला ताब्यात घेत अटक केली. दुर्गादास रेशीम मकर, असे पोलिसांनी अटक केलेल्या युवकाचे नाव आहे.

(दि.२०) जुलै रोजी एका चौदा वर्षीय युवतीचे अपहरण झाल्याची घटना घडली होती. पोलीस स्टेशनमध्ये गुन्हा दाखल करण्यात आलेला होता. सहायक पोलीस निरीक्षक संदीप साळुंखे व हवालदार प्रताप कांबळे यांना तपासात अपहरण झालेली युवती परभणी येथे असल्याची माहिती मिळाली. पोलिसांनी परभणी येथे युवतीसह त्याच्यासोबत असलेल्या दुर्गादास मकर याला ताब्यात घेतले.

युवतीकडे चौकशी केली असता दुर्गादास याने युवतीला लग्नाचे आमिष दाखवत तिला परभणी येथे घेऊन जात मंदिरामध्ये तिच्या गळ्यात हार घालत एका खोलीमध्ये ठेवून घेत तिच्यावर वारंवार अत्याचार केल्याचे पीडित युवतीने पोलीस चौकशीत सांगितले. पुढील तपास सहायक पोलीस निरीक्षक संदीप साळुंखे व हवालदार प्रताप कांबळे हे करीत आहेत.