Pune News : स्वतःला पोलिस असल्याचे भासवून एका व्यावसायिकाकडील सुमारे एक कोटी रुपयांची रोकड लुटण्याचा प्रयत्न केल्याची धक्कादायक घटना सिंहगड रस्ता परिसरात घडली. या प्रकरणी नऱ्हे पोलिस ठाण्यात पाच जणांविरुद्ध गुन्हा दाखल करण्यात आला असून आरोपींचा शोध सुरू आहे. (Pune News)

पोलिसांनी दिलेल्या माहितीनुसार, तळेगाव दाभाडे येथील हर्षवर्धन भूषण पवार (वय ३५) यांनी याबाबत तक्रार दिली आहे. १८ जुलै रोजी दुपारी १ ते २ वाजण्याच्या सुमारास ते किरण आपटे यांच्यासह सिंहगड रस्त्यावरील ब्रह्मा हॉटेल येथून नऱ्हे येथील एचडीएफसी बँकेकडे कारने जात होते. कार विक्रम चाकणकर चालवत होता. (Pune News)

नवले पुलाजवळ पोहोचताच दोन दुचाकींवरून आलेल्या आरोपींनी कार अडवली. त्यापैकी अमेय कारले याने स्वतःला पोलिस अधिकारी असल्याचे सांगत, “तुमच्या कारमध्ये काळा पैसा (दोन नंबरचा माल) असल्याची माहिती मिळाली आहे,” असे सांगितले. (Pune News)

त्यानंतर आरोपींनी कारचे दरवाजे उघडून पवार व त्यांच्या सहकाऱ्याजवळील हिरव्या रंगाची बॅग तसेच दुसरी बॅग हिसकावून घेण्याचा प्रयत्न केला. तक्रारीनुसार या बॅगमध्ये सुमारे एक कोटी रुपयांची रोकड होती. (Pune News)

पोलिस तपासात ही संपूर्ण घटना पूर्वनियोजित असल्याचे समोर आले आहे. कारचालक विक्रम चाकणकर, अमेय कारले आणि गणेश कदम यांनी दोन अज्ञात साथीदारांच्या मदतीने हा कट रचल्याचा संशय व्यक्त करण्यात आला आहे. (Pune News)

या प्रकरणी नऱ्हे पोलिसांनी विक्रम चाकणकर, अमेय कारले, गणेश कदम आणि दोन अज्ञात आरोपींविरुद्ध भारतीय न्याय संहिता (बीएनएस) अंतर्गत संबंधित कलमांनुसार गुन्हा दाखल केला आहे. वरिष्ठ पोलिस अधिकाऱ्यांनी घटनास्थळी भेट देऊन पाहणी केली असून आरोपींचा शोध सुरू आहे. (Pune News)

Pune News : पुनीत बालन स्टुडिओजच्या ‘७५ इयर्स ऑफ एनडीए’ माहितीपटाला राष्ट्रीय पुरस्कार; मनवीर जसरोटिया यांना सर्वोत्कृष्ट संकलनाचा सन्मान