पुणे : सावित्रीबाई फुले पुणे विद्यापीठाच्या आंतरविद्याशाखीय अभ्यास शाखेचा अधिष्ठाता पदावर संज्ञापन व वृत्तपत्रविद्या विभागाचे विभागप्रमुख डॉ. संजय तांबट यांची नियुक्‍ती करण्यात आली आहे. त्‍यांनी नुकताच अधिष्ठाता म्‍हणून पदभार स्‍वीकारला.

या वेळी कुलगुरू डॉ. सुरेश गोसावी, प्र- कुलगुरू प्रा. डॉ. पराग काळकर, प्रभारी कुलसचिव डॉ. ज्योती भाकरे, व्यवस्थापन परिषद सदस्य बागेश्री मंठाळकर, परीक्षा व मूल्यमापन मंडळाचे प्रभारी संचालक डॉ. प्रभाकर देसाई, प्रा. विनायक जोशी, प्रा. संदीप नरडेले, प्रा. योगेश बोराटे, तसेच प्रशासकीय अधिकारी उपस्थित होते.

या शाखेचे अधिष्ठाता डॉ. प्रभाकर देसाई यांची प्रभारी संचालक, परीक्षा व मूल्यमापन मंडळ या पदावर कुलगुरू डॉ. सुरेश गोसावी यांनी नियुक्ती केल्यामुळे हे पद रिक्त झाले होते. त्यामुळे कुलगुरूंनी या शाखेच्या अधिष्ठाता पदावर डॉ. तांबट यांची नियुक्ती केली आहे.