राजगुरूनगर : महामानवांबद्दल गरळ ओकणारे प्रशांत कोरटकर, राहुल सोलापुरकर यांचा राजगुरूनगर येथे विविध संस्था संघटनांच्या वतीने रॅली काढून जाहीर निषेध सोमवारी (दि 10) करण्यात आला. महामानवांबद्दल बेताल वक्तव्य करणार्या प्रशांत कोरटकर, राहुल सोलापुरकर यांचा निषेध करण्यासाठी राजमाता जिजाऊ प्रतिष्ठान, राजजी गुजर प्रतिष्ठान, स्वाभिमानी रिपब्लिकन महासभा, मराठा सेवा संघ, संभाजी ब्रिगेड, किसान महासभा यांच्यासह खेड तालुक्यातील सर्व शिवप्रेमी या निषेध रॅलीत सहभागी झाले होते. छत्रपती शिवाजी महाराज मार्केट यार्ड राजगुरूनगर ते खेड तहसीलदार कार्यालय राजगुरुनगर यांच्या कार्यालयापर्यंत निषेध रॅली काढण्यात आले. आंदोलकांच्या वतीने राहुल सोलापुरकरला पुणे सांस्कृतिक मंडळावर झालेली निवड रद्द करावी. प्रशांत कोरटकर ज्या पोलीस अधिकार्यांच्या बंदोबस्तातुन फरार झाला त्या पोलीस अधिकार्यांना निलंबित करण्यात यावे. प्रशांत कोरटकरचा जामीन रद्द करून त्याला अटक करण्यात यावी. कोरटकर आणि सोलापूरकर यांना पाठीशी घालणार्या राज्य सरकारचा जाहीर निषेध, अशा मागणी निवेदनाद्वारे करण्यात आल्या. मागण्याचे निवेदन तहसील कार्यालयातील प्रमुख सविता घुमटकर यांनी प्रशासनाच्या वतीने स्वीकारले. छत्रपती शिवाजी महाराज, संभाजी महाराज यांच्याबाबत बेताल वक्तव्य केले जात आहे. अशाना त्यांना त्याची जागा दाखवण्यासाठी आम्ही गप्प बसणार नाही. महापुरुषांच्या विचारांच्या मशाली तेवत ठेवू. सडक ते संसद पर्यंत आम्ही दक्ष राहून अशा प्रवृर्तीना ठेचून काढण्यासाठी एकजुटीने प्रयत्न करू. राजसत्तेच्या कानावर आपला आवाज आदळत राहिला पाहिजे. – अॅड. सुनील बांगर, राजमाता जिजाऊ प्रतिष्ठान
