फुलगावात सैनिकी शाळेत “रन फॉर एज्युकेशन मॅरेथॉन’
वाघोली – फुलगाव (ता. हवेली) येथे लोकसेवा प्रतिष्ठान संचालित नेताजी सुभाषचंद्र बोस सैनिकी शाळेत “रन फॉर एज्युकेशन’ मॅरेथॉन स्पर्धेत अनेक विद्यार्थ्यांनी धाव घेत ही स्पर्धा महाराष्ट्रातील महापुरुषांना समर्पित केली.

सकाळी सहा वाजता सुरु झालेल्या स्पर्धेत आठ ते सोळा वर्ष वयोगटातील मुले-मुली, 12 वर्षाखालील ओपनर्स, 14 वर्षाखालील बिगिनर्स व 16 वर्षाखालील चॅलेजर्स अशा तीन गटांत मोठ्या उत्साहात सहभागी झाले होते.

त्यांना प्रोत्साहन देण्यासाठी पालकही उपस्थित होते. सर्व सहभागींना टी शर्ट व मेडल्सही देण्यात आली. विजेत्या स्पर्धकांना सायकल्स व इतर आकर्षक बक्षीसेही माजी मंत्री विजय शिवतारे व मान्यवरांच्या हस्ते देण्यात आली.

यावेळी लोकसेवा प्रतिष्ठानचे संस्थापक, माजी आमदार दीपक पायगुडे, बॉक्‍सिंग चॅम्पियन अनुज कुमार, भाजपाचे तालुकाध्यक्ष संदीप भोंडवे, उद्योजक संपत गाडे, माजी सरपंच सुनील वागस्कर, राहुल वागस्कर, किरण खुळे, ज्ञानेश्‍वर शिवले, संजय लोणकर, गोदावरी बॅंकेचे आशिष तायडे, अजय पाटील, साई चकोर, पंडीत, हेमंत कंटाळे, मुख्याध्यापक आबासाहेब जाधव, रामदास आव्हाळे, मंगेश जगताप, पांडुरंग जगताप, प्रल्हाद गवळी उपस्थित होते.

यावेळी माजी मंत्री शिवतारे यांनी मार्गदर्शन केले. स्पर्धा संयोजनासाठी लोकसेवा प्रतिष्ठानचे संचालक प्रा. नरहरी पाटील, सैनिकी शाळेचे प्राचार्य अमर क्षीरसागर, प्रशासकीय अधिकारी पांडुरंग जगताप, उपप्राचार्य विकास तिरखुंडे, शरद मंडलिक, तुषार वाघमारे, भारत पवार, स्वप्निल कावळे आदींनी परिश्रम घेतले.

स्पर्धेतील मानकरी
मॅरेथॉन स्पर्धेचे निकाल पुढीलप्रमाणे : मुलांचा 16 वर्षाखालील गट (3 किमी)- प्रिन्स चव्हाण (प्रथम), सचिन पवार (द्वितीय), अवनीश मुळे (तृतीय), मुलींचा 16 वर्षाखालील गट (3 किमी)- मानसी यादव (प्रथम), अर्शिया पवार (द्वितीय), तर दक्षा नहार (तृतीय) मुलांचा 14 वर्षाखालील गट (2 किमी) : अद्वैत जाधव (प्रथम), मोहम्मद शेख (द्वितीय), चंद्रकांत उबाळे (तृतीय) मुलींचा 14 वर्षाखालील गट (2 किमी) : अदिती हरगुडे (प्रथम), श्रद्धा निकम (द्वितीय), नेत्रा मच्चा (तृतीय) मुलांचा 12 वर्षाखालील गट (1 किमी) : प्रतिक आव्हाळे (प्रथम), अथर्व बोबडे (द्वितीय), अर्णव पवार (तृतीय) मुलींचा 12 वर्षाखालील गट (1 किमी) : अधिरा पवार (प्रथम), दिशाली नहार (द्वितीय), भक्‍ती निकम (तृतीय).