मंचर : भारतामध्ये स्त्री शिक्षणाचा पाया रचणारे थोर समाज सुधारक महात्मा फुले यांनी सामाजिक अंधकार दूर करण्यासाठी ज्ञानाची ज्योत प्रज्वलित केली. त्यांनी स्त्रियांना ,वंचित समाज घटकांना, शिक्षणाचा अधिकार मिळवून देण्यासाठी भरीव कार्य केले, असे प्रतिपादन श्री संत सावता महाराज नागरी सहकारी पतसंस्थेचे संस्थापक अध्यक्ष पुरुषोत्तम भास्कर यांनी केले.

महात्मा ज्योतिराव फुले यांच्या स्मृतिदिनानिमित्त संत सावता महाराज नागरी सहकारी पतसंस्था घोडेगाव तालुका आंबेगाव येथे महात्मा फुले यांच्या प्रतिमेला पुष्पहार अर्पण करण्यात आला. त्याप्रसंगी पुरुषोत्तम भास्कर बोलत होते. याप्रसंगी आंबेगाव तालुका विद्या विकास मंडळाचे अध्यक्ष तुकाराम काळे,

ग्रामपंचायत सदस्य संतोष भास्कर, पतसंस्थेचे तज्ञ संचालक स्वप्निल भास्कर, पतसंस्थेचे सल्लागार दीपक लोढा,महेंद्र गांधी, राकेशची मुथीयान, बंटी अकोलकर उपस्थित होते महात्मा फुले यांनी शैक्षणिक क्रांती केली, त्यांना भारतरत्न पुरस्कार सरकारने देऊन सन्मानित करावी, अशी मागणी ही पतसंस्थेचे मुख्य कार्यकारी अधिकारी संतोष भास्कर यांनी केली. सूत्रसंचालन मुख्य कार्यकारी अधिकारी संतोष भास्कर यांनी केले.